|
Bu məqalənin ensiklopedik tələblərə cavab vermədiyinə dair şübhələr var.
|
Kamal İbrahimov (29 noyabr 1973, Bakı, Azərbaycan SSR, SSRİ) — "Baku Steel Company" QSC-nin Baş direktoru və "Qala Həyat Sığorta" ASC və "Qala Sığorta" şirkətlərinin Direktorlar Şurasının sədri, iqtisad elmləri namizədi.
| Kamal İbrahimov | |
|---|---|
| Kamal Mirsahib oğlu İbrahimov | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı | Azərbaycan Respublikası |
| Milliyyəti | Azərbaycanlı |
| Təhsili | Azərbaycan Dövlət İqtisad Universiteti |
| Fəaliyyət illəri | 1995- davam edir |
Həyatı
Kamal İbrahimov 29 noyabr 1973-cü ildə Bakı şəhərində anadan olub. Atası İbrahimov Mirsahib, anası isə Səadət Qəndilovadır. Ailəlidir, üç övladı var.
Təhsili
1980–1990-cı illərdə Bakı şəhəri, 134 saylı orta məktəbdə təhsil alıb və təhsilini gümüş medalla başa vurub. 1990–1995-ci illərdə Azərbaycan Dövlət İqtisad Universitetinin "İstehsalın iqtisadiyyatı və idarə edilməsi" fakültəsində ali təhsil alıb, universiteti fərqlənmə diplomu ilə bitirib. 1995–1999-cu illərdə ADİU-da aspirantura pilləsi üzrə təhsil alıb, 2000-ci ildə dissertasiya müdafiə edərək iqtisad üzrə fəlsəfə doktoru elmi dərəcəsinə yüksəlib. 2016-cı ildən Azərbaycan Dövlət İqtisad Universitetinin "Maliyyə və maliyyə institutları" kafedrasında elmlər doktoru proqramı üzrə doktorantura təhsili alıb.
Əmək fəaliyyəti
1995 −1997 — illərdə Bakı şəhəri, Yasamal rayonu üzrə Dövlət Vergi Müfəttişliyində dövlət vergi müfəttişi vəzifəsində çalışıb.
1997–2000-ci illərdə Baş Dövlət Vergi Müfəttişliyinin İri Vergi Ödəyiciləri ilə İş üzrə İdarəsində dövlət vergi müfəttişi, daha sonra böyük dövlət vergi müfəttişi vəzifələrində işləyib. 2000-ci ildə Azərbaycan Respublikası Vergilər Nazirliyinin İri vergi Ödəyiciləri və Xüsusi Vergi Rejimli Müəssisələrlə İş üzrə Baş İdarənin Vergiyə cəlbetmə şöbəsinin böyük dövlət vergi müfəttişi olub.
2000–2003-cü illərdə Azərbaycan Respublikasının Prezidenti yanında Qiymətli Kağızlar üzrə Dövlət Komitəsinin Qiymətli kağızlarla əməliyyatların tənzimlənməsi və nəzarəti şöbəsinin, daha sonra Hüquq departamentinin rəisi vəzifələrində çalışıb.
2003–2014-cü illərdə ASC "Standard İnsurance" Sığorta Şirkətinin İdarə Heyətinin sədri olub. 2006–2008-ci illərdə Azərbaycan Sığortaçılar Assosiasiyasının (ASA) Müşahidə Şurasının sədri kimi fəaliyyət göstərib. 2011–2014-cü illərdə İcbari Sığorta Bürosunun Himayəçilər Şurasının sədri olub.
2014–2016-cı il ASC "" Sığorta Şirkətinin Direktorlar Şurasının sədri və QSC "Bank Standard" Kommersiya Bankının Müşahidə Şurasının sədri kimi çalışıb.
2016-cı ildən etibarən "Qala Həyat Sığorta" ASC və "Qala Sığorta" ASC-nin Direktorlar Şurasının sədri kimi fəaliyyət göstərir.
2021-ci ildən həm də "Baku Steel Company" QSC-nin Baş direktorudur.
Həmçinin bax
İstinadlar
- . marja.az. 2021. 2022-09-01 tarixində . İstifadə tarixi: 2 İyun 2022.
- (az.). president.az. 26 sentyabr 2011, 18:40. 2021-05-11 tarixində . İstifadə tarixi: 2015-06-11.
- UNEC. . unec.edu.az. 2020. 2022-03-03 tarixində . İstifadə tarixi: 6 iyun 2022.
- . www.today.az. 2008. 2023-07-23 tarixində . İstifadə tarixi: 1 İyun 2022.
- . az.trend.az. 2008. 2022-06-07 tarixində . İstifadə tarixi: 1 İyun 2022.
- . az.trend.az. 2008. 2022-06-07 tarixində . İstifadə tarixi: 1 İyun 2022.
- . fed.az. 9 fevral 2021. 2021-02-10 tarixində . İstifadə tarixi: 6 iyun 2022.
- . www.bakusteel.com. 2021. 2021-10-07 tarixində . İstifadə tarixi: 1 İyun 2022.
- . report.az. 6 noyabr 2021. 2022-06-07 tarixində . İstifadə tarixi: 6 iyun 2022.
- . oxu.az. 6 noyabr 2022. 2022-06-07 tarixində . İstifadə tarixi: 6 iyun 2022.