Kalininqrad stadionu, digər adı ilə Baltika Arena – Rusiyanın şəhəri Kalininqradda yerləşən stadiondur. Stadion 2018 FİFA Dünya Kubokunun 4 oyununa ev sahibliyi etmişdir. Baltika Kalininqrad klubu da öz ev oyunlarını burada keçirir.
| Kalininqrad stadionu | |
|---|---|
 | |
| Qeyri-rəsmi adı | Baltika Arena |
| Yeri | Kalininqrad |
| Təməli qoyulub | 2015 |
| Tikilib | 2018 |
| Açılış tarixi | 11 aprel 2018 |
| Tikinti xərcləri | 257 milyon € |
| Sahibi | Kalininqrad vilayəti |
| Tamaşaçı tutumu |
35016 (rəsmən) 33973 (2018 FİFA Dünya Kuboku) |
| Ev sahibi komanda | Baltika Kalininqrad FK |
| Meydançanın ölçüləri | 105 x 68 |
 Vikianbarda əlaqəli mediafayllar | |
Stadion iki mərtəbəlidir və ultramodern təhlükəsizlik sistemləri ilə təchiz olunmuşdur. Bu layihə Almaniyada 2006 FİFA Dünya Kubokunun 6 oyununa ev sahibliyi etmiş Allianz Arenanın konsepsiyası üzərində qurulub. Layihənin dəyəri təxminən 11 milyard rubl nəzərdə tutulmuşdu, lakin bununla müqayisədə daha çox qiymətə başa gəldi. Stadionda ilk matç 11 aprel 2018-ci ildə oynanıldı. Mundialdan sonra stadionun tamaşaçı tutumu 25000-ə qədər azaldılacaq və dam içəri doğru sürüşdürüləcək.
Tarixi
2012-ci ilin aprelində yerli hökumət stadionun layihəsini hazırlamaq üçün Fransız arxitektural bürosu Wilmotte & Associes-i seçdi. Proyektin dəyəri 720 milyon dollar idi. Bunun yarısı federal büdcə, digər yarısı isə yerli büdcədən ödənəcəkdi. İnşaat qısa bir vaxt sonra başladı. Qeyd edək ki, mundialdan sonra stadionun tamaşaçı tutumu azaldılaraq 25000 ediləcək. Bu azalmanı uyğunlaşdırmaq üçün damın bir hissəsi çıxarıldı.
2012-ci ilin oktyabrından sonunda yerli hakimiyyət orqanları stadionun layihəsinin seçilməsi üçün açıq müsabiqə keçirmişdir. Qalib Mostovik oldu. 2013-cü ilin başlarında, Mostovik Baltika Arena adlandırdığı stadionun çertyojunu yayımladı.
2014-cü ilin iyununda Omsk Arbitraj Məhkəməsi "Mostovik" şirkətinin iflas etdiyini bildirdi və şirkətlə bağlanan müqavilənin ləğvi başlandı. 1 aprel 2014-cü ildə hökumət tərəfindən dərc edilən əmrə görə, Rusiya İdman Nazirliyinin inşaatda tək təmsilcisi ZAO "Crocus International" şirkəti oldu. Kalininqrad vilayəti ilə Crocus International şirkəti arasında müqavilə "stadionun dizaynı üzrə layihəni gücləndirmək və iş sənədlərini hazırlamaq üçün" imzalanıb.
2015-ci il iyunun 10-da stadion layihəsinin dövlət ekspertizasına göndərildiyi bildirildi. İyunun 20-sində layihə qəbul olunaraq ictimaiyyətə təqdim edildi.
Əvvəlcə regional orqanlar şəhərin mərkəzində, mövcud Baltika Stadionunun yerinə yeni idman komplekslərinin tikilməsi ilə bağlı seçimi nəzərdən keçirmişlər. Və sonda stadionun yerinin olması bəlirləndi. Burada tez-tez daşqınların baş verəcəyini nəzərə alaraq layihəyə daha çox investisiya yatırıldı.
10 avqust 2015-ci ildə stadionun adının Kalininqrad stadionu olacağı barədə ictimaiyyətə xəbər verildi.
İnşa
Torpaq sıxma 2014-cü ilin dekabrında başa çatdı. İnfrastrukturun tikintisinə hazırlıq işləri 2015-ci ilin yanvar ayında başlamışdır. Stadionun təməlinin qoyulması üçün test prosesləri həmin ilin iyulundan başlayıb.
Oktyabrski adasında konsolidasiya və drenaj işləri
Təbii zəif torpaqlar sabitləşdirilib və 2016-cı ilin sentyabrına qədər 43.75 hektar olan ərazidə iş tamamlanmışdır. 33,85 hektarın 20,02 hektarlıq ərazisində torpaq doldurulmuş və sıxılmışdır.
Qazıntı zamanı topoqrafik tədqiqatda qeyd olunmayan bəzi müharibədən əvvəlki binaların infrastrukturu aşkar edilmişdir. Bu məsələlər sürətlə həll olundu. Layihə, Oktyabrski adasından və prospektdən keçən Şərq keçidinin tikintisini əhatə edir.
2018 FİFA Dünya Kuboku zamanı
| Tarix | Saat | Komanda #1 | Nəticə | Komanda #2 | Mərhələ | Tamaşaçı sayı |
|---|---|---|---|---|---|---|
| 16 iyun 2018 | 21:00 | Xorvatiya | 2–0 | Nigeriya | D qrupu | 31136 |
| 22 iyun 2018 | 20:00 | Serbiya | 1–2 |
İsveçrə
|
E qrupu | 33167 |
| 25 iyun 2018 | 20:00 | İspaniya | 2–2 | Mərakeş | B qrupu | 33973 |
| 28 iyun 2018 | 20:00 | İngiltərə | 0–1 | Belçika | G qrupu | 33973 |
İstinadlar
- 2018-06-13 at the Wayback Machine Официальный портал Правительства Кalininqrad oblast // gov39.ru (23 mart 2018)
- 2018-06-13 at the Wayback Machine // regnum.ru (25 mart 2018 )
- 2018-06-13 at the Wayback Machine Интернет-портал «Калининград.ру» // kgd.ru
- Правительство Российской Федерации. . Официальный интернет-портал правовой информации. 1 aprel 2014. 4 mart 2016 tarixində arxivləşdirilib.
- . sport-express.ru. 20 iyul 2015. 2015-07-12 tarixində . İstifadə tarixi: 2018-07-31.
- . svoboda.org. 7 dekabr 2014. 2018-06-16 tarixində . İstifadə tarixi: 2018-07-31.
- (PDF). FIFA.com. Fédération Internationale de Football Association. 16 iyun 2018. 2018-06-24 tarixində (PDF). İstifadə tarixi: 16 iyun 2018.
- (PDF). FIFA.com. Fédération Internationale de Football Association. 22 iyun 2018. 2018-06-24 tarixində (PDF). İstifadə tarixi: 22 iyun 2018.
- (PDF). FIFA.com. Fédération Internationale de Football Association. 25 iyun 2018. 2018-07-08 tarixində (PDF). İstifadə tarixi: 25 iyun 2018.
- (PDF). FIFA.com. Fédération Internationale de Football Association. 28 iyun 2018. 2019-02-02 tarixində (PDF). İstifadə tarixi: 28 iyun 2018.