K-9 Thunder Cənubi Koreya istehsalı özüyeriyən artilleriya qurğusudur. Bu artilleriya qurğusu Cənubi Koreya Silahlı Qüvvələrində istismar olunan K-55 artilleriya sistemini əvəz etmək məqsədilə hazırlanmışdır. K-9 haubitsası K-10 avtomatik mərmi təchizat maşını ilə birlikdə fəaliyyət göstərir.
| K-9 Thunder | |
|---|---|
 | |
| Tipi | Özüyeriyən artilleriya |
| Ölkə | |
| İstismar tarixçəsi | |
| İstismar illəri | 1999 – davam edir |
| İstismara başlanması | 1999 |
| İstehsal tarixçəsi | |
| Konstruktor | Samsung Techwin |
| Konstruksiya tarixi | 1989–1998 |
| İstehsalçı | Hanwha Techwin (keçmiş Samsung Techwin) |
| İstehsal illəri | 1999–davam edir |
| Variantları | K-10 |
| Xüsusiyyətləri | |
| Ağırlığı | 47 ton |
| Sürət | 67 km/s |
| 21 ag/ton | |
| Əsas silah | 155 mm yivli top |
| Köməkçi silah | 12.7 mm K6 HMG |
| Uzunluğu | 12 m |
| Eni | 3.4 m |
| Hündürlüyü | 2.73 m |
| Ekipaj | 5 (Komandir, sürücü, topçu, 2 nəfər yükləyici) |
 Vikianbarda əlaqəli mediafayllar | |
İxrac
İlk dəfə texnologiya transferi Türkiyəyə həyata keçirilmiş və 2004-cü ildən etibarən T-155 Fırtına adı ilə lisenziya altında istehsal olunmağa başlamışdır. Bu texnologiya transferi qarşılığında Türkiyə Cənubi Koreyaya 1 milyard ABŞ dolları ödəmişdir. Türkiyə 2011-ci ilə qədər 300 ədəd Fırtına istehsal etməyi planlaşdırmışdır.
2015-ci ilin sentyabrında "Larsen və Toubro" konqlomeratı Hindistan ordusunu 100 ədəd K-9 haubitsası ilə təmin etmək üçün 800 milyon $ dəyərində müqavilə imzalamışdır. Hindistan üçün istehsal olunmuş K-9 Vajra-T xüsusilə ölkənin Pakistanla sərhəd ərazilərində səhra şəraitində istifadə üçün nəzərdə tutulmuşdur.
2016-cı ilin iyulunda Finlandiya müdafiə naziri açıqlanmayan sayda K-9 haubitsasının alınması məqsədilə Cənubi Koreya ilə danışıqların davam etdiyini açıqlamışdır. 2017-ci ilin fevralında isə ölkənin müdafiə naziri növbəti açıqlamasında 2017-ci ildən başlayaraq yeddi il ərzində Finlandiyanın 48 ədəd K-9 alacağını bildirmişdir.
Norveç və Estoniya da K-9-ların alınmasının qərara alındığını bildirmişdir. Norveçlə Koreya arasında satınalma haqqında müqavilənin 2017-ci ilin ortalarında imzalanacağı gözlənilir. Bir sıra digər mənbələrə istinadən yayılan xəbərlərə görə Estoniyanın Finlandiyadan 12 ədəd K-9 alacağı gözlənilir.
Variantları
- XK-9: Prototip.
- K-9: İlk istehsal variantı.
- K-9 VAJRA-T: Hindistan üçün nəzərdə tutulmuş variant.
- K9FIN Moukari: Finlandiya üçün nəzərdə tutulmuş variant.
- K-10: Mərmi təchizat maşını. (K-9 şassisi üzərində hazırlanmışdır)
İstifadəçiləri
Hazırkı istifadəçilər
-
Finlandiya: 48 ədəd. Çatdırılmasına 2017-ci ildən etibarən başlanılacaq.
-
Hindistan: 100 ədəd. "Larsen və Toubro" şirkəti tərəfindən Hindistan Silahlı Qüvvələri üçün istehsal olunmuşdur.
-
Cənubi Koreya: 1,136 ədəd K-9 və 179 ədəd K-10. -
Polşa: 120 ədəd. AHS Krab proqramı çərçivəsində istehsal olunacaq.
-
Türkiyə
-
Estoniya: 24 + 12 (2026-cı ilə qədər təhvil verilləcək)
Potensial istifadəçilər
-
Norveç: Norveçin hazırda silahlanmada olan M109-ları K-9 haubitsaları ilə əvəz edəcəyi gözlənilir.
Həmçinin bax
İstinadlar
- Pike, John. . 2007-03-20 tarixində . İstifadə tarixi: 2017-06-13.
- . The Diplomat. 2015-10-11 tarixində . İstifadə tarixi: 2015-10-09.
- . 2016-07-05 tarixində arxivləşdirilib. İstifadə tarixi: 2017-06-13.
- Per Erlien Dalløkken. (Norwegian). tu.no. August 24, 2016. January 1, 2018 tarixində . İstifadə tarixi: June 13, 2017.
- 2017-02-17 at the Wayback Machine iltasanomat.fi, February 17 2017.
- . 2016-03-04 tarixində . İstifadə tarixi: 2017-06-13.
- 2014-12-18 at Archive.today armyrecognition.com, December 17, 2014.
- BNS. . Estonian World (ingilis). 2023-01-14. 2023-12-15 tarixində . İstifadə tarixi: 2023-12-15.