Gerçəkliyi həssas qavraması və ruhi müvazinətsizliyi Van Qoqu psixi xəstəliyə gətirib çıxarır. Qogen Arl şəhərinə qonaq gəlir, lakin yaradıcı fikir ayrılıqları mübahisə doğurur. Van Qoq rəssamın başına stəkanı atır, sonra, Qogen getmək niyyətini elan etdikdə ülgüclə onun üzərinə hüçum edir. Həmin günün axşamı dəlilik tutmasında rəssam qulağının sırğalığını kəsir.

Vinsent van Qoqun sifəti rəsmin böyük hissəsini tutur. Başı üçdə dörd sol tərəfə çevrilmişdir. O isti gödəkcə, nimdaş papağ geyinib. Başındakı sarıqdır. Van Qoq qəlyan çəkir (tüstünün şəkli çəkilib). Qara tənbəki çubuğu ağ sarğı ilə təzad təşkil edir. Rəsm əsəri təvazökarlığ və rahatlıq təəssüratı yaradır.Tabloda rəssamın üz cizgiləri təhrif olunub, baxışları ümidsiz, uzaqlara yönəlmişdir. Rəsm çəkilən zaman Van Qoqun 35 yaşı var idi, lakin o orada əlli yaşlı kimi görünür. Rəsmin fonu qırmızı-narıncı rənglərdə ikirəngli divardır.

Rəng həlli

Rəsmə baxırsınızsa, fonun iki bərabər zonaya bölündüyünü görə bilərsiniz: alt hissəsi qırmızıdır, üst isə daha çox kiçik sarı çiləmələrlə narıncıdır. Papaq ön (xəz) hissəsində mavi, arxadan isə bənövşəyi rəngdədir. Əyninə geyindiyi gödəkcə yaşıl rəngdədir. Duman, köynəyi və sarıq ağ olsa da, tənbəkisi, gözləri və saçları çox qaranlıq, demək olar ki, qaradır. Van Qoq rənglərin xromatik dairəsində yaxınlıqda yerləşən rənglərdən istifadə etmişdir (bənövşəyi rəng və göy rəng, qırmızı rəng və narıncı rəng).

• Federica Armiraglio, Van Gogh, Skira, Milano 2003.
• Hammacher, A. M.: Van Gogh: Selbstbildnisse, Philipp Reclam jun., Stuttgart 1960; 2nd edition 1970
• Van Lindert, Juleke, & Van Uitert, Evert: Een eigentijdse expressie: Vincent van Gogh en zijn portretten, Meulenhoff/Landshoff, Amsterdam 1990 ISBN 90-290-8350-6
• Dorn, Roland: Vincent, portraitiste: Bemerkungen zu ein paar heissen Eisen, in: Lukas Gloor, ed.: Van Gogh echt falsch: Zwei Selbstbildnisse der Sammlung Emil Bührle, Zürich 2005, pp. 7 – 21