Kürdüstan Briqadaları
Kürdüstan Briqadaları,[1] Kürdüstanda Əl-Qaidə və ya Əl-Qaidənin Kürd Briqadaları (ƏQKB) kimi də tanınır — İraq və İranda silahlı islamçı təşkilat. Əl-Qaidənin kürd qoludur. Əsasən İran–İraq sərhədinin şimalında fəaliyyət göstərir Şimali İraqda Kürdüstan Regional Hökumətinə bir neçə dəfə hücumlar təşkil etmişdir. Qrup ABŞ Dövlət Departamenti tərəfindən 1 yanvar 2012-ci ildə terror təşkilatı kimi təsnif edilmişdir.[2]
| Kürdüstan Briqadaları | |
|---|---|
| Yaranma tarixi | mart 2007 |
| Mərkəzi | |
Kürdüstan Briqadaları 2001-ci ildə Əl-Qaidənin rəsmi qruplaşması kimi Həmrin dağlarında yaradılıb. Onun əsasını keçmiş Ənsar əl-İslam silahlıları qoyub. Lakin Kürdüstan Briqadalarının yaradılması 2007-ci ilin martında Əl-Qaidə tərəfindən yayımlanan “Dağlara Qayıdış” adlı video ilə elan edilib. 2007-ci ildən 2010-cu ilə qədər onlar hakimiyyət orqanlarına qarşı çoxsaylı hücumlarla Kürdüstan Regional Hökumətinə qarşı üsyan qaldırdılar. Onlar İran Kürdüstanında da fəaliyyət göstərirdilər.[3]
Qrup nisbətən kiçik hesab olunur, lakin onun İranın Mərivan və Sənəndəc şəhərlərində düşərgələri var.[4]
Qrup, 2014-cü ildə İslam Dövlətinə qoşulan kürdləri tənqid edib.[5]
Qrup bir neçə hücum həyata keçirmişdir. Onlardan ən böyüyü 2007-ci ilin mayında Kürdüstan Regional Hökumətinin Ərbildə yerləşən Daxili İşlər Nazirliyi binasına hücumu idi. Burada 19 nəfər həlak olmuşdur.[4] ƏQKB 2007-ci ilin iyulunda Pəncvanda 7 sərhədçini və bir KVİ təhlükəsizlik əməkdaşını öldürmüşdür. 2010-cu ilin sentyabrında Süleymaniyyədə uğursuz intihar hücumu nəticəsində iki polis məmuru yaralanmışdır.[6]
- ↑ "The Kurdistan Brigades: Al-Qaeda's Kurdish Henchmen". Jamestown (ingilis). 2022-09-08 tarixində arxivləşdirilib. İstifadə tarixi: 2022-09-07.
- ↑ "Terrorist Designation of the al-Qaida Kurdish Battalions". U.S. Department of State. 19 October 2020 tarixində arxivləşdirilib. İstifadə tarixi: 13 October 2015.
- ↑ "ABD-İran geriliminin yeni ismi; El Kaide'nin Kürt grubu". www.rudaw.net. January 15, 2021 tarixində arxivləşdirilib. İstifadə tarixi: 2024-06-29.
- ↑ 1 2 "Rudaw in English The Happening: Latest News and Multimedia about Kurdistan, Iraq and the World - US Designates Kurdish Group Terrorists". Rudaw.net. 2012-01-15. 26 March 2012 tarixində arxivləşdirilib. İstifadə tarixi: 2012-01-29.
- ↑ "ABD-İran geriliminin yeni ismi; El Kaide'nin Kürt grubu". www.rudaw.net. January 15, 2021 tarixində arxivləşdirilib. İstifadə tarixi: 2024-06-29.
- ↑ "Al Qaeda Kurdish Battalions". Stanford - CISAC. 9 June 2019 tarixində arxivləşdirilib. İstifadə tarixi: 13 June 2019.