"Bilgah Beach Hotel" — Azərbaycan Respublikasının paytaxtı olan Bakı şəhəri, Bilgəh qəsəbəsində beşulduzlu otel. "Absheron Hotel Group"a məxsusdur.

Bilgah Beach Hotel
40°34′37″ şm. e. 50°03′50″ ş. u.
Ölkə	Azərbaycan
Şəhər	Bakı
Yerləşir	Bilgəh
Tikilmə tarixi	2011
Aidiyyatı	Abşeron Otel Qrup
Memarlıq quruluşu	Modern
Vəziyyəti	Fəaliyyət göstərir
Jumeirah Bilgah Beach Hotel
Vikianbarda əlaqəli mediafayllar

"Bilgah Beach Hotel" kompleksi dünyanın 12 ölkəsində beşulduzlu otellərin sahibi olan "Jumeirah Group"un MDB məkanında ilk hoteli idi. Dörd ilə tikilən hotelin inşasında 5 min nəfərədək qədər işçi çalışmışdır.

Kompleksin 14 mərtəbəsində 175-i deluks, 37-si isə suit olmaqla 212 nömrə yaradılmışdır.

Eyni vaxtda 475 nəfərə xidmət etmək iqtidarında olan kompleksdə ümumi ərazisi 5 min 150 kvadratmetr olan Aqua-Park da yaradılmışdır. Burada, həmçinin tennis kortu, mini futbol, voleybol və basketbol meydançaları vardır. Kompleksin ərazisində mətbəxi, zalı, 3 yataq otağı və eyvanı olan ikimərtəbəli 14 kottec tikilmişdir.

Azərbaycan Respublikasının Prezidenti İlham Əliyev, xanımı Mehriban Əliyeva və ailə üzvləri 28 dekabr 2011-ci il tarixində "Jumeirah Bilgah Beach Hotel" kompleksinin açılışında iştirak ediblər.