Kapetinqlər sülaləsinin üzvü olan Henri, 1008-ci ildə Reyms şəhərində dünyaya gəldi. Atası Fransa kralı , anası isə onun üçüncü xanımı . 1025-ci ildə kiçik qardaşı birlikdə atasına qarşı ayaqlandı. Üstəlik bu üsyanda anaları da onları dəstəkləyirdi. Bu üsyanın nəticəsində ataları Henrini ortaq kral olaraq elan etməyə məcbur edildi. 14 may 1027-ci ildə Reyms şəhərində baş tutan tacqoyma mərasimiylə Henri Fransa kralı elan edildi. Ancaq atasının öldüyü və tək monarx olduğu 1031-ci ilədək mühüm heç bir fəaliyyət göstərmədi.

Sələfləri kimi onun da səltənətinin ilk illəri taxt mübarizəsiylə keçdi. Belə ki, vaxtilə atasına qarşı ayaqlanan qardaşı bu dəfə ona qarşı ayaqlandı. Bir il davam edən taxt mübarizəsi qardaşı 1032-ci ildə Burqundiya hersoqu elan etməsiylə başa çatdı.

İlk başda Vilhelmə yerli üsyanları yatırmaqda yardım etsə də, sonrakı illərdə yerli baronların üsyanını dəstəkləməyə davam etdi. Üstəlik 1054 və 1057-ci illərdə 2 dəfə işğal edən I Henri Mortemer və Varavil döyüşlərində məğlub edildi. Müqəddəs Roma imperatoru yaxın münasibətlər quruldu. İmperatorla ilk görüş 1043-cü ilin əvvəllərində İvois şəhərində baş tutdu. Bu görüşdə imperatorun, kralın vassallarından birinin qızıyla evlənmə məsələsi müzakirə edildi. İkinci görüş 1048-ci ilin oktyabrında eyni yerdə baş tutdu və tərəflər arasında dostluq sazişi bağlandı. Onların üçüncü və son görüşü isə 1056-cı ilin mayında baş tutdu və Blua qraflığının aqibəti həll edildi.

I Henri 4 avqust 1060-cı ildə vəfat etdi və cənazəsi Sen-Deni bazilikasına dəfn edildi. Ölümünün ardından, hələ bir il öncə ortaq kral elan etdiyi azyaşlı oğlu Filipp taxta çıxarıldı və xanımı kral naibəsi oldu. Ölümü əsnasında normanların 1058-ci ildən bəri işğal etdikləri Timert qalasının mühasirəsi davam edirdi.

I Henri 1033-cü ildə Müqəddəs Roma imperatoru 5 yaşlı qızı Matildayla nişanlandı. Ancaq cəmi bir il sonra nişanlısı vəfat etdi. Ardından eyni il içərisində evlənsə də, bu nigahdan övladı olmadı. Xanımının 1044-cü ildə vəfatının ardından 1051-ci ildə Kiyev knyazı Yaroslavın qızı evləndi və bu nigahdan 4 övladı dünyaya gəldi.

• I Filipp
• Emma (d. 1054 - ö. 1109)
• Robert (ö. 1060)
• Huq (d. 1057 - ö. 1102)

• Bradbury, Jim (2007). The Capetians: The History of a Dynasty. Bloomsbury Publishing
• Clark, William W. (2006). Medieval Cathedrals. Greenwood Publishing
• Brown, R. Allen (1969). The Normans and the Norman Conquest. Boydell Press
• Gilbert of Mons (2005). Chronicle of Hainaut. Translated by Napran, Laura. The Boydell Press