IV Henri (ing. Henry IV of England) (d. aprel 1367 — ö. 20 mart 1413) — İngiltərə kralı. Fransa kralı IV Filipin nəvəsi olan babası III Eduardın Fransa taxtına olan iddiasını davam etdirdi. Normandiya fəthindən sonra ana dili ingiliscə olan ilk İngiltərə kralı oldu. Atası III Eduardın oğlu Gentli Con, anası isə Lankaster hersoqu qızı Blanş idi.

IV Henri
ing. Henry IV of Bolingbroke
Şəxsi məlumatlar
Doğum tarixi	aprel 1367
Vəfat tarixi	20 mart 1413(45 yaşında)
Vəfat yeri	Vestminster[d], Vestminster borosu, Böyük London, Böyük London regionu[d], İngiltərə
Dəfn yeri	Kenterberi kafedralı
Sülalə	Lankaster sülaləsi, Plantagenetlər
Atası	Gentli Con
Anası	Lankasterli Blanş
Həyat yoldaşları	Mariya Bohun (1381, 27 iyul 1380–1394), Navarralı Janna (1403, 7 fevral 1403–1413)
Uşaqları	V Henri
Təltifləri
İmzası
Vikianbarda əlaqəli mediafayllar

Atası Gentli Con qardaşı oğlu olan II Riçardın səltənətində mühüm siyasi gücə malikdi. Ancaq Henri 1388-ci ildə baş tutan üsyana qarışmışdı və bu səbəblə kralın qəzəbinə məruz qalaraq sürgün edildi. Atasının vəfatından sonra (1399), II Riçard Henrinin atasının mirasını almasına icazə vermədi. Həmin il Henri bir qrup tərəfdar toplayaraq II Riçardı devirdi və onu həbs edərək taxta çıxdı.

Səltənətinin ilk yarısında bir çox üsyanla üzləşən IV Henrinin Uels mərkəzli bu üsyanların ardından səhhəti pisləşməyə başladı. 1410-cu ildə oğlu Monmutlu Henri dövlət işlərini əlinə aldı və 3 il sonra IV Henri vəfat etdi.