İri tənək hafı

İri tənək hafı (lat. Hippotion celerio ) — pulcuqluqanadlılar dəstəsinin haflar fəsiləsinə aid növ. Nəsli kəsilməkdə olan növdür.

İri tənək hafı
Elmi təsnifat
XƏTA: parent və rang parametrlərini doldurmaq lazımdır. ???: İri tənək hafı
Beynəlxalq elmi adı
Hippotion celerio L., 1758
Şəkil axtarışı NCBI   283870 EOL   504293

Qısa təsviri

Qanadları açıq halda 75 mm-dir. Ön qanadlar qəhvəyimtil-qonur olub, zirvədən əsasa doğru çəpinə xətt keçir, orta hücrənin zirvəsində ağ halqa ilə haşiyələnmiş qara nöqtə vardır. Arxa qanadlar çəhrayı rəngdədir, xarici kənarı tünd haşiyələnmişdir, əsasında da tünd rəngli xətt vardır. Qanadların damarları qaraya çalır.

Yayılması

Cənubi Avropa, Kiçik Asiya, Şimali Afrika, Malay Arxipelaqı, Avstraliya, Kanar adaları, Orta Asiya, Cənubi Qafqaz, Azərbaycanda — Talış (Zuvand).

Yaşayış yeri və həyat tərzi

Evritop növdür. Kəpənək iyunda uçur, yeganə fərdə yalnız Zuvandda rast gəlinmişdir. Tırtılları üzüm və sirğagülü bitkisi ilə qidalanır. Bunlardan başqa qida bitkiləri sırasına həmçinin üzüm, qatıqotu (galium verum), yağıotu, mahmızca, yerkökü, əvəlik, doqquzdon, fuchsia, xınagülü, colocasia esculenta, parthenocissus daxildir. Növün ekologiyası hərtərəfli öyrənilməmişdir. Təbii düşməni və xəstəlikləri məlum deyil.

Sayı

R. Əffəndi tərəfindən Zuvandda 1 fərd qeydə alınmışdır. Son tədqiqatlarda rast gəlinməmişdir.

Qorunması üçün qəbul edilmiş tədbirlər

Azərbaycan Qırmızı Kitabının I nəşrinə daxil edilmişdir.

Qorunması üçün məsləhət görülmüş tədbirlər

Kəpənəyin yaşadığı ərazilər nəzarətdə saxlanmalı, monitorinqlər təşkil edilməlidir. Tutulması qəti qadağan edilməlidir.

Şəkillər

• 
• 
  Hippotion celerio ♂
• 
  Hippotion celerio ♂ △
• 
  Hippotion celerio ♀
• 
  Hippotion celerio ♀ △