"High Hopes" (azərb. Böyük ümidlər) — Pink Floyd qrupunun 1994-cü ildə yayımladığı albomundakı on birinci və son mahnı. Musiqisi Devid Gilmorun, sözləri isə Gilmor və Polli Semsonundur. Mahnının sözləri bir şəxsin həyatda qazanıb itirə biləcəyi şeylərdən bəhs edir. Gilmor bildirmişdir ki, mahnı daha çox onun erkən günləri və məmləkətini tərk etməsi haqqındadır. Gilmourun dostu Duqlas Adams albomun adını bu mahnının bir misrasından seçmişdir. Canlı versiyalar Pink Floydun , həmçinin Gilmorun In Concert, Remember That Night, Live in Gdańsk və Live at Pompeii buraxılışlarına daxil edilib. Echoes: The Best of Pink Floyd albomunda bu mahnının bir qədər qısaldılmış versiyasından Sid Barrettin "Bike" mahnısına keçid edilir. Bu, "High Hopes"-un sonundakı kilsə zəngi səsinin velosiped zəngi səsi ilə əvəz olunması vasitəsilə yerinə yetirilmişdi. Sinqlın 7 düymlük val versiyası şəffaf üzlüklə buraxılmışdır.
| High Hopes | |||||||
|---|---|---|---|---|---|---|---|
 | |||||||
| Pink Floyd tərəfindən albomunda ifa olunmuş sinql | |||||||
| A tərəfi |
|
||||||
| B tərəfi |
|
||||||
| Yayımlanma tarixi | 17 oktyabr 1994 | ||||||
| Format | 7", 12", CD | ||||||
| Yazılma tarixi | 1993 | ||||||
| Janr | proqressiv rok | ||||||
| Dil | ingilis | ||||||
| Müddət |
8:32 (albom versiyası) 5:16 (sinql) |
||||||
| Prodüser | Bob Ezrin və Devid Gilmor | ||||||
| Bəstəkar | Devid Gilmor | ||||||
| Sözlərin müəllifi | Devid Gilmor və Polli Semson | ||||||
| Studiya |
EMI (BB) Columbia (ABŞ) |
||||||
| Pink Floyd sinqllarının xronologiyası | |||||||
|
|||||||
| Audio nümunəsi | |||||||
|
|||||||
|
|||||||
Mahnının son kupleti ("The endless river/Forever and ever") qrupun 1967-ci il buraxılışlı ikinci sinqlı "See Emily Play"-in bir misrasına bənzəyir ("Float on a river/Forever and ever"). Bu, onların sonuncu və 2014-cü ildə buraxılmış albomunun adına da təsir göstərmişdir.
Kompozisiya
Mahnı əsasən ortasında qısa gitara solosu üçün E minor açarına keçən hissə istisna olmaqla, C minor açarındadır və musiqi boyunca kilsə zəngi səslənir. Mahnının sözlərində qrupun Kembricdəki ilk, xüsusən də musiqiyə başlamazdan qabaqkı günlərinə və qrupun keçmiş üzvü Sid Barrettə istinad edilir.
Mahnının sonunda, kilsənin zəng səsi bitdikdən sonrakı hissədə qrupun meneceri Stiv O'Rourke və Gilmorun ögey oğlu Çarli arasında qısa bir telefon zəngindən ibarət gizli hissə vardır. Bu, albomunu yekunlaşdırır.
Mahnı siyahısı
- CD sinql
- "High Hopes" – 8:34
- "Marooned" – 5:29
- CD maksi
- "High Hopes" (radio edit) – 5:16
- "Keep Talking" (radio edit) – 4:55
- "One of These Days" (live) – 6:57
Musiqi videosu
Mahnının rəsmi videosu Storm Torgerson tərəfindən çəkilmişdir.
Heyət
- The Division Bell
- Devid Gilmor – əsas və bek-vokal, klassik, bas və elektro gitara
- Riçard Rayt – Kurzweil sintezatoru
- – zərb alətləri, kilsə zəngi, buben
və
- Con Karin – piano
- Maykl Keymen – orkestrləşdirmə
- Edvard Şermur – orkestrləşdirmə
- Pulse
- Devid Gilmor – əsas vokal, klassik və elektro gitara
- Riçard Rayt – Kurzweil sintezatoru, Hammond orqanı
- Nik Meyson – zərb alətləri, qonq
və:
- Con Karin – piano, klaviatura aləti, bek-vokal
- Qay Pratt – bas gitara, bek-vokal
- Tim Renuik – klassik gitara
- Qeri Uollis – zərb alətləri, kilsə zəngi
- Sem Braun – bek-vokal
- Klaudiya Fonteyn – bek-vokal
- Durqa MakBrum – bek-vokal
Digər versiyalar
- Mahnı Shark 'n the Smoke tərəfindən A Fair Forgery of Pink Floyd albomunda ifa olunub.
- Mahnı Nightwish tərəfindən iki müxtəlif canlı versiyada ifa olunub: biri Highest Hopes: The Best of Nightwish albomuna digəri isə End of an Era adlı DVD-ə daxil edilibş
- Mahnı Gregorian qrupu tərəfindən Masters of Chant Chapter IV albomunda ifa olunub.
- Mahnı 2000-ci ildə Sylvan qrupu tərəfindən Signs of Life – A Tribute to Pink Floyd albomunda ifa olunub.
- Mahnı 2005-ci ildə fransız pauer metal qrupu Karelia tərəfindən Raise albomunda ifa olunub.
- Mahnı 2012-ci ildə alman qrupu Caliban tərəfindən I Am Nemesis albomunun delyuks versiyasında ifa olunub.
- Mahnı 2016-ci ildə alman şotland vokalçı Rey Vilson tərəfindən Song for a Friend adlı akustik albomda ifa olunub.
Hit-parad
|
|
İstinadlar
- (CD sinqlı qeydləri). Pink Floyd. EMI. 1994. 881777 2. 2021-02-19 tarixində . İstifadə tarixi: 2019-11-30 – Discogs vasitəsilə.
- (CD sinqlı qeydləri). Pink Floyd. EMI. 1994. CDEMS 342. 2021-02-19 tarixində . İstifadə tarixi: 2019-11-30 – Discogs vasitəsilə.
- Fuller, Graham. . Interview Magazine, p. 20-21. iyul 1994. 2011-07-30 tarixində arxivləşdirilib. İstifadə tarixi: 2011-07-22.
- . 1037theloon.com. 2017-08-20 tarixində . İstifadə tarixi: 2017-07-09.
- Everitt, Matt. . BBC. 9 oktyabr 2014. 2014-11-11 tarixində . İstifadə tarixi: 2019-11-30.
- "High Hopes", French Singles Chart 2009-02-12 at the Wayback Machine (İstifadə tarixi:22 yanvar 2008)
- "High Hopes", UK Singles Chart 2017-07-10 at the Wayback Machine (İstifadə tarixi:30 yanvar 2009)
- Billboard (İstifadə tarixi:30 yanvar 2009)
- , 24 oktyabr 1994, 2017-12-08 tarixində arxivləşdirilib, İstifadə tarixi: 12 iyul 2014
- 1994 French Singles Chart 2011-08-20 at the Wayback Machine (İstifadə tarixi:30 yanvar 2009)