1944-cü ildə Qubadlı rayonunun Qayalı kəndində doğulub. Orta məktəbi əla qiymətlərlə bitirərək 1962-ci ildə qəbul olmuşdur. 1967-ci ildə təhsilini uğurla başa vuran Heydər İmanov məzunu olduğu institutda qalıb elmi iş üzrə təhsilini davam etdirmək təklifini alır. Təhsilini bitirdikdən sonra orada elmi araşdırmalar aparmaq təklifi almış, bu təklifi qəbul etmiş, sonda elmi işini uğurla müdafiə edən İmanov “texnika elmləri namizədi” elmi adına layiq görülmüşdür. Təhsilini bitirdikdən sonra Leninqrad (indiki Peterburq) şəhərində yüngül sənaye sahəsində çalışmış, daha sonra Azərbaycana qayıtmışdır. Azərbaycanda Sənaye Nazirliyində çalışdıqdan sonra o, Gəncə Çini Qablar zavoduna direktor təyin edilmişdir. O, 1991-ci ilə qədər bu müəssisəyə rəhbərlik etmişdir. 1991-ci ildə Sovet İttifaqı süqut etdikdən sonra zavod da fəaliyyətini dayandırmışdır. Bundan sonra Bakıya dönən İmanov burada “Azərkeramika” Elmi İstehsalat birliyini yaradır. Eyni zamanda o, hazırladığı konsepsiya əsasında Azərbaycanda çini qablar istehsalına yenidən başlamağa çalışır. Lakin müharibə və iqtisadi vəziyyətin ağırlığı buna əngəl olur. Bundan sonra yenidən o, Sankt-Peterburq şəhərinə dönməli olur. Burada onu Komilov adına Çini Qablar zavoduna direktor vəzifəsinə təyin edirlər. Bir müddət sonra o, həmin zavodun nəzdində “Elektrokeramika” Elmi-Tədqiqat İnstitutunu və eləcə də “Elektrokeramika” Birliyini yaratmağa nail olur. İmanov elmi fəaliyyətini də davam etdirmiş, 2003-cü ildə Rusiya Təhsil Akademiyasının prezidenti Nikolay Dimitreviç Nikonorovun təklifi ilə Sankt-Peterburq şəhərində Smolnı Universitetini yaratmağa nail olur və oranın rektoru təyin olunmuşdur. Diaspora fəaliyyəti ilə də məşğul olan İmanovun səyləri nəticəsində oradakı azərbaycanlıların ilk mətbu orqanı olan “Tolko vmeste” qəzeti yaradılmışdır. Bir müddət sonra həmin qəzet “Azəri” adı altında nəşr olunmağa başlayır. Həmçinin onun səyləri və maddi dəstəyi ilə Nizam Gəncəvinin “Leyli və Məcnun” əsəri rus dilinə yenidən tərcümə və nəşr edilmişdir. Daha sonra Heydər Əliyevə həsr olunmuş “Politika eqo sudba” kitabı da onun təşəbbüsü ilə nəfis şəkildə çap olunmuşdur. Hal-hazırda işlərinin bir hissəsini Şimali Kipr Türk Respublikasında davam etdirməkdədir.