Hendrikus Piter (Henk) Bremmer (17 may 1871^[…], Leyden, Cənubi Hollandiya – 10 yanvar 1956^[…], Haaqa) — hollandiyalı rəssam, incəsənət tənqidçisi, sənətşünas, incəsənət müəllimi, incəsənət kolleksiyaçısı idi. Rəssam Rudolf Bremmerin atası idi. Bremmer rəssam təhsili aldı, 1893-1895-ci illərdə jurnalist kimi çalışdı və 1896-cı ildə incəsənət dərsi keçməyə başladı. 1906-1907 mövsümündə Hollandiyanın ən varlı qadınlarından biri olan Helen Kröller-Müller onun şagirdi idi və qısa müddətdə incəsənətlə bağlı kolleksiya nümunələri toplamağa başladı. Bremmer ona incəsənətlə bağlı topladığı bu kolleksiyanı bir yerə yığıb nümayiş elətdirməyi təklif etdi və bu gələcəkdə yaranacaq olan Kröller-Müller muzeyinin əsasını qoydu.

Henk Bremmer
Doğum tarixi	17 may 1871(1871-05-17)[…]
Doğum yeri	Leyden, Cənubi Hollandiya, Niderland
Vəfat tarixi	10 yanvar 1956(1956-01-10)[…](84 yaşında)
Vəfat yeri	Haaqa, Cənubi Hollandiya, Niderland
Fəaliyyəti	rəsm kolleksioneri[d], rəssam, incəsənət tənqidçisi[d], sənətşünas
Vikianbarda əlaqəli mediafayllar

Bremmerin bir çox sənət adamı ilə əlaqəsi var idi. 1902-ci ildən ölənə qədər Haaqadakı Artiestenhofda yaşayıb. 1912-ci ildə Bart van der Lek ilə əlaqəyə yaratdı, onu maddi dəstək və aylıq müavinət ilə təmin etdi. 1906-cı ildə incəsənət tənqidi olan Eene inleiding tot het zien van beeldende kunst kitabını nəşr etdi. 1913-cü ildə təsviri sənət jurnalına başlamışdır. Bremmer, 20-ci əsrin birinci yarısında Hollandiya incəsənətinə o qədər təsir etmişdi ki, "İncəsənət Papası" adlandırıldı. 14 oktyabr 2006-cı il tarixdən 25 fevral 2007-ci ilədək Bremmerin şərəfinə olan The Art Tsar, H.P. Bremmer adlı bir sərgi, Otterlodaki Kröller-Müller Muzeyində keçirildi.