Hastinqsit — monoklinik sinqoniya. Rast gəlmə tezliyi şkalası: çox da tez-tez rast gəlməyən.
| Hastinqsit | |
|---|---|
 | |
| Ümumi məlumatlar | |
| Kateqoriya | Mineral |
|
Formul (təkrarlanan vahid) |
NaCa₂(Fe²⁺₄Fe³⁺)(Si₆Al₂)O₂₂(OH)₂ |
| VIII/F.10 | |
 Vikianbarda əlaqəli mediafayllar | |
Növ müxtəliflikləri
FeO:MgO < 0,5 olduqda – maqneziohastinqsit; 0,5–2 – femahastinqsit; > 2 – ferrohastinqsit; daşkəsənit (xlorferrihastinqsit, ~ 7,2 % Cl) – (Na, K) Ca2 Fe32+ Mg Fe3+ (OH,Cl)n [Al2Si6 O24-n].
Xassələri
Rəng – yaşıl, göyümtül-yaşıl, yaşılımtıl-qəhvəyi; qəhvəyi, tünd-göy, qara; Parıltı – şüşə parıltısından yarımmetal parıltısınadək; Sıxlıq – 3,12–3,27; Sərtlik – 5–6; Ayrılma – {110} üzrə mükəmməl, bəzən {010} üzrə; Morfologiya – kristallar: sütun — və iynəvari; İkiləşmə: tez-tez müşahidə olunur; Mineral aqreqatları: dənəvər.
Mənşəyi və yayılması
Nefelinli siyenitlər üçün səciyyəvidir. Həmçinin qranodioritlərdə, kvarsdioritlərdə və dioritlərdə qeyd edilir. Mineralın kontakt-metasomatik əmələgəlmələri skarnlarda bəzən iri yığınlar əmələ gətirir. Mineralın tapıldığı yerlər: Hastinqs dairəsi (Kanada); Kola yarımadası (Rusiya). Daşkəsən rayonunun skarnlarında hastinqsitin Azərbaycandakı eyniadlı məşhur dəmir filizi yatağında tapıldığına görə daşkəsənit adlandırılan növ müxtəlifliyi geniş yayılmışdır.
İstinadlar
- Hawthorne F. C., Oberti R., Harlow G. E., Maresch W. V., Martin R. F., Schumacher J. C., Welch M. D. Nomenclature of the amphibole supergroup (2012) (ing.). // Am. Mineral. Mineralogical Society of America, 1916. Vol. 97. P. 2031–2048. ISSN ;
- .
Mənbə
- Azərbaycan mineralları. Bakı: Nafta-Press, 2004.