Filmdə saz-söz ustası Dədə Ələsgərin yaradıcılığı, həyat yolu haqqında professor Məhərrəm Qasımlı, ələsgərşünas alim Fəxrəddin Salim, tədqiqatçı Abbas Bağırov, Aşıq Fətulla Göyçəli, aşığın nəticəsi Xətai Ələsgəri danışmışlar.

Film saz və söz ustası Dədə Ələsgərin anadan olmasının 200 illiyinə həsr edilmişdir. Sənədli film Azərbaycan Respublikası Mədəniyyət Nazirliyinin sifarişilə "Salnaməfilm studiyası" MMC-də istehsal olunub.

Filmin rejissoru Nizami Abbas, ssenari müəllifi Füzuli Sabiroğludur. ProRes 4444 formatında çəkilən filmin xronometrajı 52 dəqiqədir.

Filmdə Aşıq Ələsgər ocağının nümayəndələrinin müsahibələri və kadrarxası diktor mətnindən istifadə edilib. Filmə bədii səhnələrlə rəng qatılıb. Filmin çəkilişləri Qarsda, Bakı şəhərində, Gədəbəy, Qazax, Kəlbəcər və başqa rayonlarında aparılıb.

20 oktyabr 2022-ci ildə Nizami Kino Mərkəzində filmin premyerası olmuşdur.

21 mart 2024-cü ildə film həm İctimai TV, həm də ARB TV-də yayımlanmışdır.

• Füzuli Sabiroğlu — ssenari müəllifi
• Nizami Abbas — rejissor
• Üzeyir Abbas — təsvir rejissoru
• Mübariz Nağıyev — montaj rejissoru
• Şahin Həsənli — rəssam
• Azər Hacıəsgərli — musiqi tərtibatı
• Fəxrəddin Salim — məsləhətçi
• Rəşad Qasımov — xətt prodüseri
• Azad Axundov — icraçı prodüser
• Nazim Hüseynov — prodüser

• Aşıq Talıb — Dədə Ələsgərin kiçik oğlu (arxiv kadrlarda)
• Aşıq Təbriz Vəliyev — Aşıq Ələsgər rolunda

• Azərbaycan Respublikası Mədəniyyət Nazirliyi

• Aşıq Ələsgər (film, 1972)