Happier Than Ever — ABŞ müğənnisi Billi Aylişin ikinci studiya albomu. 30 iyul 2021-ci ildə Darkroom və Interscope Records tərəfindən buraxılıb. Albomun prodüserliyini sənətçinin qardaşı Finneas tək başına etmişdir.
| Happier Than Ever | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||
| Yayımlanma tarixi | 30 iyul 2021 | ||||||||||||||||||||||||
| Yazılma tarixi | aprel 2020 – fevral 2021 | ||||||||||||||||||||||||
| Studiya | Finneasın ev studiyası (Los-Anceles) | ||||||||||||||||||||||||
| Janr |
|
||||||||||||||||||||||||
| Müddət | 56:07 | ||||||||||||||||||||||||
| Dil | ingilis dili | ||||||||||||||||||||||||
| Leybl |
|
||||||||||||||||||||||||
| Prodüser | Finneas O'Konnell | ||||||||||||||||||||||||
| Billi Ayliş albomlarının xronologiyası | |||||||||||||||||||||||||
|
|||||||||||||||||||||||||
|
|||||||||||||||||||||||||
İlk növbədə dauntempo pop janrındakı mahnılardan təşkil edilmiş “Happier Than Ever” kiçik miqdarda da olsa trek siyahısında caz və elektropop janrlı mahnılara da yer verir. Albomun mahnılarındakı sözlərdə Billi Aylişin şöhrətə yüksəlişindən və onun mənfi tərəflərindən danışılır. Albom təqdim edildiyi zaman musiqi tənqidçilərindən parlaq rəylərlə qarşılanıb. Mahnıların orijinal üslubu, ustalıqla edilmiş prodüserlik işi və dinləyicilərin qəlbinə yol açan sözləri geniş alqış və tərif qazanmışdır. “Happier Than Ever” 2022-ci ildə baş tutan “Qremmi” mükafatları mərasimində öz adını daşıyan trek ilə birlikdə müxtəlif kateqoriyalar üzrə xeyli sayda mükafatlara namizəd göstərilmişdir.
Albomun buraxılışından əvvəl yeddi mahnısı tanıtım məqsədi ilə sinql şəklində təqdim edilib: “My Future”, “Therefore I Am”, “Your Power”, “Lost Cause”, “NDA”, “Happier Than Ever” və “Male Fantasy”. İlk üç sinql ABŞ-də Billboard Hot 100 musiqi cərgəsinin ilk sıralarına düşüb. Albomun ən populyar mahnısı olan “Therefore I Am” cərgələrdə 2-ci yerə yüksəlib. “My Future” 6-cı, “Your Power” isə 10-cu yerə çatıb. “Happier Than Ever” Billi Aylişin ABŞ-də Billboard 200 cərgələrində birinci pilləyə çatan ikinci albomu olmuşdur. Albom həmçinin dünyanın 27 ölkəsində bir nömrəyə çatmışdır. Billi Ayliş 2021-ci ilin 3 sentyabr tarixində tədqimatı keçirilən “Happier Than Ever: Los-Ancelesə sevgi məktubu” filmində albomda yer alan treklərin hər birini canlı olaraq ifa etmişdir. Robert Rodriges və Patrik Ozbornun rejissorluğu ilə çəkilən bu film eksklüziv olaraq Disney+-da nümayiş etdirilmişdir. Billi Ayliş albomunu tanıtmaq məqsədi ilə 3 fevral – 30 sentyabr 2022-ci il tarixlərləri arasında canlı konsert turları həyata keçirmişdir.
Fon
Müğənni Billi Ayliş 29 mart 2019-cu ildə qardaşı musiqiçi Finneas O'Konnellin prodüserliyi ilə ərsəyə gələn “When We Fall Asleep, Where Do We Go?” adlı debüt albomunu işıq üzünə çıxarıb. Albom yüksək qiymətlər qzanmış üstəlik satış baxımından da yaxşı nəticə göstərmişdir. Xüsusilə trek siyahısına daxil olan “Bad Guy” sinqlı sənətçi Billi Aylişə böyük uğur və tanınma gətirib. Albom və adı çəkilən sinql “Qremmi” mükafatlarında Billi Aylişə müxtəlif kateqoriyalar üzrə bir çox mükafat qazandırıb. Billi Ayliş, albomunun uğurunun ardınca yeni sinqllar təqdim edir: “Everything I Wanted”, Ceyms Bond filmi üçün yazdığı “No Time to Die” və nəhayət ispan müğənni Rozaliya ilə birgə səsləndirdiyi “Lo Vas a Olvidar”. İlk iki sinqla görə 2021-ci ildə “Qremmi” mükafatı bir daha ona nəsib olub.
Billi Ayliş 2020-ci ilin yanvarında ikinci studiya albomu üzərində işə başlayacağını bildirib. Mart ayında onun qardaşı Finneas O'Konnell etiraf edib ki, “onların yeni albomu canlı ifa etməkdən zövq aldıqları üslubda” olacaq. 2021-ci ilin fevral ayında Billi Aylişin “Billi Ayliş: Dünya biraz bulanıqdır” sənədli filmi ekranlara çıxır. Billi Aylliş həmin ay albomda 16 trek olacağını qeyd edib.
“Happier Than Ever” albomu Finneasın Los-Ancelesdəki evinin zirzəmisindəki səsyazma studiyasında yazılmışdır. Billi Aylişin dediyinə görə onlar 2020-ci il aprelin 1-dən, 2021-ci ilin 16 fevralına qədər hər həftə mahnılarını yazmağa vaxt ayırırdılar. O, bu prosesə “My Future” mahnısını yazmaqla başlayıb və “Oxytocin” ilə yekunlaşdırıb. Albom üçün yazdığı ilk mahnı “Happier Than Ever” olmuşdur. Sözügedən mahnını “When We All Fall Sleep” konsert turunun Avropa hissəsində olarkən yazmışdır. Billi albomda yer alan 16 mahnının hər birini qardaşı Finneas ilə birlikdə yazdığını bildirib. Onların yazdıqları “What I Wanna Hear” və “Born Blue” mahnıları alboma daxil edilməmişdir.
Billi Ayliş “Happier Than Ever” albomu üzərində işləməyin asan və rahat olduğunu deyir. Müğənni əvvəllər musiqi üzərində işləyərkən tez-tez stress və narahatçılıq keçirdiyini, bu dəfə isə belə olmadığını, əksinə, xoş bir təcrübə yaşadığını qeyd edir. Billi Ayliş keçmişdə özünə inanmır və kifayət qədər yaxşı olmadığına dair şübhələnirdi, indi isə öz qabiliyyətinə daha çox arxayın olub.
Müğənni heyran olduğu caz ifaçılarından — Julie London, Peggy Lee və Frenk Sinatradan ilhamlanaraq klassik bir albom buraxmaq arzusunda olduğunu və yeni musiqisinə caz elementlərini daxil etmək istəyindən danışmışdı.
Trek siyahısı
Bütün mahnılar Billi Ayliş və Finneas O'Konnell tərəfindən yazılmış və bəstələnmişdir.
| Happier Than Ever albomundakı treklər | |||||||||
|---|---|---|---|---|---|---|---|---|---|
| № | Başlıq | Müddət | |||||||
| 1. | Getting Older] | 4:04 | |||||||
| 2. | I Didn't Change My Number | 2:38 | |||||||
| 3. | Billie Bossa Nova | 3:16 | |||||||
| 4. | My Future | 3:30 | |||||||
| 5. | Oxytocin | 3:30 | |||||||
| 6. | Goldwing | 2:31 | |||||||
| 7. | Lost Cause | 3:32 | |||||||
| 8. | Halley's Comet | 3:54 | |||||||
| 9. | Not My Responsibility | 3:47 | |||||||
| 10. | Overheated | 3:34 | |||||||
| 11. | Everybody Dies | 3:26 | |||||||
| 12. | Your Power | 4:05 | |||||||
| 13. | NDA | 3:15 | |||||||
| 14. | Therefore I Am | 2:53 | |||||||
| 15. | Happier Than Ever | 4:58 | |||||||
| 16. | Male Fantasy | 3:14 | |||||||
| Ümumi: 56:07 | |||||||||
| Tour edition | |||||||||
|---|---|---|---|---|---|---|---|---|---|
| № | Başlıq | Müddət | |||||||
| 17. | My Future (Live Performance from the DNC) | ||||||||
| 18. | Therefore I Am (Live from iHeartRadio ALTer Ego 2021) | ||||||||
| 19. | Your Power (Vevo Live Performance) | ||||||||
| 20. | Lost Cause (Vevo Live Performance) | ||||||||
| Japan tour edition | |||||||||
|---|---|---|---|---|---|---|---|---|---|
| № | Başlıq | Müddət | |||||||
| 17. | NDA (Japan Special Performance) | ||||||||
| 18. | Billie Bossa Nova (Japan Special Performance) | ||||||||
| Japan tour edition – DVD bonus | |||||||||
|---|---|---|---|---|---|---|---|---|---|
| № | Başlıq | Müddət | |||||||
| 1. | Interview for Japan | ||||||||
| 2. | Happier Than Ever (Music Video) | ||||||||
| 3. | Happier Than Ever (Making of the Video) | ||||||||
| 4. | Male Fantasy (Music Video) | ||||||||
| 5. | NDA (Music Video) | ||||||||
| 6. | Lost Cause (Music Video) | ||||||||
| 7. | Your Power (Music Video) | ||||||||
| 8. | Happier Than Ever, The World Tour (Road to Opening Night) | ||||||||
| 9. | NDA (Japan Special Performance) | ||||||||
| 10. | Billie Bossa Nova (Japan Special Performance) | ||||||||
Qeydlər
- "Goldwing" trekində Gustav Holstun "Hymn to Vena" (1910) musiqisindən istifadə edilib.
- "My Future" kiçik hərflərlə, "Goldwing" böyük hərflərlə stilizə olunmuşdur. "Overheated" "OverHeated" kimi stilizə olunub.
İstinadlar
- . BBC News (ingilis). January 27, 2020. January 27, 2020 tarixində . İstifadə tarixi: July 28, 2021.
- ↑ . Los Angeles Times (ingilis). April 27, 2021. July 28, 2021 tarixində . İstifadə tarixi: July 28, 2021.
- Strause, Jackie. . The Hollywood Reporter (ingilis). March 14, 2021. July 28, 2021 tarixində . İstifadə tarixi: July 28, 2021.
- Iasimone, Ashley. . Billboard. January 19, 2020. April 27, 2021 tarixində . İstifadə tarixi: April 27, 2021.
- Krol, Charlotte. . . January 25, 2021. February 3, 2021 tarixində . İstifadə tarixi: April 27, 2021.
- Triscari, Caleb. . . February 1, 2021. April 26, 2021 tarixində . İstifadə tarixi: April 27, 2021.
- ↑ Spanos, Brittany. . Rolling Stone. June 17, 2021. July 19, 2021 tarixində . İstifadə tarixi: July 21, 2021.
- ↑ [Q&A session for Happier Than Ever]. insta-stories.com. August 10, 2021. August 10, 2021 tarixində . İstifadə tarixi: August 10, 2021.
- ↑ Eilish, Billie. . July 21, 2021. July 20, 2021 tarixində . İstifadə tarixi: July 21, 2021 – YouTube vasitəsilə.
- Mier, Tomás. . . July 22, 2021. July 24, 2021 tarixində . İstifadə tarixi: July 25, 2021.
-
References for interpolation of "Hymn to Vena" in "Goldwing":
- Serrano, Athena. . . July 31, 2021. July 30, 2021 tarixində . İstifadə tarixi: July 31, 2021.
- . . (Manuscript). . 1908–1912. July 31, 2021 tarixində . İstifadə tarixi: July 31, 2021.
- . Spotify. July 30, 2021. April 27, 2022 tarixində . İstifadə tarixi: April 28, 2022.