Haiti Respublikası (fr. République d'Haïti və Haiti kreol : Repiblik Ayiti) — Karib dənizində Haiti adasının qərbində yerləşən ada ölkəsidir. Ölkənin yeganə quru sərhədinə malik qonşusu Haitinin şərqində yerləşən Dominikan Respublikasıdır. Haiti Respublikası qərbdə Kuba və Yamaykayla, şimalda isə Baham Adaları ilə su sərhədlərinə malikdir. Vest-Hind regionunda 11.4 milyon əhali sayıyla birinci yerdə qərarlaşır. 27750 km²  ərazisiylə regionda ən böyük 3-cü ölkədir. Ölkənin paytaxtı Port-o-Prensdir və ölkənin şərq sahilində-Qonav körfəzində yerləşir.

Haiti
Repiblik Ayiti République d'Haïti
Bayraq Gerb[d]
L'Union Fait La Force Azadlıq, bərabərlik, qardaşlıq
Himn: The Dessalines Song
Rəsmi dilləri	fransız dili, Haiti kreol dili
Paytaxt	Port-o-Prens -2 440 min (2015-ci il)
İdarəetmə forması	Respublika
Prezident
Baş nazir
Sahəsi	Dünyada 143-cü
• Ümumi	27750 km²
• Su sahəsi (%)	0,7
Əhalisi
• Əhali	10,1 milyon nəfər (88-ci)
• Siyahıyaalma (7.VIII.2003)	7 929 048 nəf.
• Sıxlıq	363 nəf./km²
ÜDM (AQP)
• Ümumi	18,31 milyard dollar  (145-ci)
• Adambaşına	1 800 dollar
İnternet domeni	.ht
BOK kodu	HAI
Telefon kodu	+509
Saat qurşaqları	UTC−05:00
Nəqliyyatın yönü	sağ[d]
Vikianbarda əlaqəli mediafayllar

1492-ci ildə Xristofor Kolumbun bölgəyə gəlişindən öncə adada yaşayırdı. X.Kolumbun gəlişiylə birlikdə bölgə 1697-ci ilə qədər ispan koloniyası olmuşdur. İndiki Haiti dövlətinin ərazisi olan bölgə İspaniya tərəfindən Fransaya verilir. Beləliklə adanın qərbi Santo Dominqo adlandırılır və fransız koloniyasına çevrilir. Kolonial rejimdən sonra 1804-ci ildə müstəqilliyini əldə edərək bölgədə ilk müstəqil dövlətlərdən biri olur.

İlk müstəqil olduğu vaxtlardan günümüzə qədər ölkədə hər zaman siyasi qeyri-stabillik müşahidə edilmişdir. 2004-cü ildə baş verən hərbi çevriliş və 2010-cü ildəki Haiti zəlzələsi ölkənin iqtisadi və siyasi vəziyyətini daha da pisləşdirmiş, ölkənin stabilliyini dərindən sarsmışdır. Haiti Respublikası BMT-nin və Karib Ölkələri Birliyinin qurucularından biridir. Həmçinin ölkə BVF və ÜTT-nin də üzvüdür. Tarixi olaraq kasıb və qeyri-stabil olan Haiti Amerika qitəsində ən aşağı İnsan İnkişaf İndeksinə sahib olan ölkədir.