Hacı Məmməd oğlu Məmmədov (28 aprel 1920, Şamaxı – 2 avqust 1981, Bakı) — Azərbaycan tarzəni, Azərbaycan SSR xalq artisti (1963), Azərbaycan Tibb İnstitutunun müəllimi.
| Hacı Məmmədov | |
|---|---|
 | |
| Ümumi məlumatlar | |
| Doğum tarixi | |
| Doğum yeri | Şamaxı, Şamaxı qəzası, Azərbaycan SSR |
| Vəfat tarixi | (61 yaşında) |
| Vəfat yeri | Bakı, Azərbaycan SSR, SSRİ |
| Musiqiçi məlumatları | |
| Fəaliyyəti | tarzən, həkim-cərrah |
| Fəaliyyət illəri | 1930–1981 |
| Janrlar | klassik musiqi, muğam, xalq musiqisi |
| Musiqi aləti | tar |
| Təhsili | Azərbaycan Tibb Universiteti |
| Mükafatları |
  
|
 Vikianbarda əlaqəli mediafayllar | |
Həyatı
Hacı Məmmədov 1920-ci il aprelin 28-də Şamaxı şəhərində anadan olmuşdur. 1943–1948-ci illərdə Azərbaycan Dövlət Tibb İnstitutunda təhsil almışdır. 1949-cu ildən 1970-ci ilə qədər həkim-cərrah kimi fəaliyyət göstərmişdir. 1930–1948-ci illərdə Azərbaycan Dövlət Xalq Çalğı Alətləri Orkestrində işləmiş, 1949-cu ildən Azərbaycan Dövlət Filarmoniyasının solisti olmuşdur.
Hacı Məmmədov rus və Qərbi Avropa müəlliflərinin klassik əsərlərinin tarda ilk ifaçısı olub. Bülbül, Seyid Şuşinski, Zülfü Adıgözəlov kimi müğənniləri müşayiət etmiş, Belçika, Polşa, Macarıstan, İran, Suriya, Əlcəzair və digər ölkələrdə qastrol səfərlərində olmuşdur.
Hacı Məmmədov 1981-ci il avqustun 2-də Bakıda vəfat etmişdir.
Mükafatları
- "Azərbaycan SSR xalq artisti" fəxri adı — 18 may 1963
- "Azərbaycan SSR əməkdar artisti" fəxri adı — 25 sentyabr 1954
- "Şərəf nişanı" ordeni — 9 iyun 1959
- Azərbaycan SSR Ali Soveti Rəyasət Heyətinin Fəxri Fərmanı — 25 aprel 1980
İstinadlar
- МӘММӘДОВ Һаҹы Мәммәд оғлу // Азәрбајҹан Совет Енсиклопедијасы: [ 10 ҹилддә]. VI ҹилд: Куба— Мисир. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1982. С. 504.
- . www.az.baku-art.com. 28 aprel 2020. İstifadə tarixi: 16 fevral 2021. [ölü keçid]
- . medeniyyet.az. 17 iyul 2020. 2020-07-20 tarixində . İstifadə tarixi: 16 fevral 2021.
Ədəbiyyat
- Həsənova, Şəhla. Hacı Məmmədov. Bakı: Şərq-Qərb. 2017. səh. 104. ISBN 978-9952-517-72-9.