Hüzeymə bint Nasir (ərəb. حزيمة بنت ناصر‎; , , – , ) — Suriya və İraq kralı I Feysəlin xanımı, İraq kraliçası.

1884-cü ildə əkiz bacısı Müsbəh ilə Məkkədə dünyaya gəldi. Atası Hicaz kralı Şərif Hüseynin qardaşı Əmir Nasir Paşa, anası isə Dilbər xanımdır. 1904-cü ildə İstanbuldakı İstinyə sarayında əmisi oğlu Seyid Feysəllə evləndirildi. Eyni mərasimlə əkiz bacısı Müsbəh də əmisinin digər oğlu Seyid Abdullahla evləndirildi. Cütlüyün bu nigahdan 4 övladı dünyaya gəldi.

• Əzizə bint Feysəl (1905-1960), əslən yunan olan Anastassios Haralambideslə 1936-cı ildə gizlicə evləndi. Dinini dəyişərək pravoslav dininə keçdi. Əriylə birlikdə Rodos, Kipr və Londonda yaşadı. Cütlüyün övladı olmadı və 1943-cü ildə boşandılar. 2 il sonra ailəsiylə barışdı və Qüdsdə yaşadı. Xərçəng müalicəsi davam edərkən Londonda vəfat etdi.
• Racihə bint Feysəl (1907-1959), 1937-ci ildə Bağdadda leytenant Əbdülcabbar Mahmud Altayla evləndi. 14 iyul çevrilişi əsnasında İsveçrədə xərçəng müalicəsi alırdı. Bu səbəblə qətliamdan xilas oldu. Ancaq bir il sonra xərçəng səbəbilə İsveçrədə vəfat etdi.
• Rəfiyə bint Feysəl (1910-1934)
• I Qazi