Hüseyn Həmadani 1950-ci ilin 15 dekabr tarixində İranın Xuzistan ostanına daxil olan Abadan şəhərində anadan olub. Hərbçi kimi tanınmasında 1979-cu ildə İranda kürd üsyanının yatırılmasındakı iştirakı göstərilməkdir. Ardınca 1980-1988-ci illəri əhatə edən İran-İraq müharibəsində iştirak edib. Həmadani eyni zamanda Kürdüstan ostanında fəaliyyət göstərən kommunist silahlı dəstələrin zərərsizləşdirilməsinə rəhbərlik edən şəxslərdən biri olmuşdur.

Həmadani 2005-ci ildə İran İnqilab keşikçiləri Ordusu komandirlərindən olan Məhəmməd Əli Cəfəri tərəfindən yüksək vəzifəyə çəkilmişdir. 2009-cu ildə ölkədə baş vermiş etirazların yatırılmasında da iştirak etmişdir.2009-2014-cü illərdə Tehrandakı hərbi birləşmələrdə çalışmışdır.2011-ci ilin 14 aprel tarixində İran dövlət rəsmilərinin məruz qaldığı beynəlxalq sanksiyalar siyahısında Hüseyn Həmadaninin də adı var.

Həmadani tərəfindən avtobioqrafiya və müharibə mövzulu üç kitab yazılıb;

• Xəyyamın möcüzəsi (مهتاب خین)), İran İslam İnqilabı və İran-İraq müharibəsidən bəhs edir.
• Xürrəmşəhrin fəthi (فاتحان خرمشهر), İran-İraq müharibəsində baş vermiş bəhs edir.
• Qardaşım, bu vəzifədir (تکلیف است برادر), avtobioqrafiyası

2011-ci ildə Suriyada vətəndaş müharibəsinin başlamasından sonra İran zamanla müharibəyə müdaxilə etməyə başlamışdır. Hüseyn Həmədani müharibədə Qüds Korpusunun tərkibindəki hərbçilərə rəhbərlik etmişdir.