Hüseyn Örs 18 oktyabr 1964 tarixində Trabzonda anadan olmuşdur. 1981-ci ildə Trabzon Liseyini, 1985-ci ildə Fənn və Ədəbiyyat Fakültəsinin Riyaziyyat ixtisasında təhsilini bitirmişdir. 1992-ci ildə İqtisadiyyat üzrə magistr dərəcəsini, 1998-ci ildə isə İqtisadiyyat üzrə doktorluq təhsilini bitirmişdir.

1986-cı ildə Giresunda müəllim olaraq, 1987-ci ildə isə kompüter proqramçısı olaraq işə başlamışdır. 1989-cu ildə İqtisadi İdari Elmlər fakültəsində asistent olaraq işləməyə başlamışdır. 1999-cu ildə Qaradəniz Texniki Universitetində müəllim olaraq işləməyə başlamışdır. 2001-ci ildə Qazaxıstanda Türk-Qazax Dövlət Universiteti olan Xoca Əhməd Yəsəvi Universitetinin Qiyabi Təhsil fakültəsinin dekan müavini işinə başlamışdır. 2008-ci ildə isə Ekonometriya üzrə köməkçi dosent fəxri adı alaraq Ekonometriya kafedrasının müdiri təyin olunmuşdur. 2012-ci ildə Texnoloji İnkişaf Bölgəsi İdarə Heyətinin üzvü olmuşdur.

2009-cu ildə aşağı liqa komandası olan "1461 Trabzon FK"-nın prezidenti seçilmişdir

Milliyyətçi Hərəkat Partiyasından Trabzon Böyükşəhər Bələdiyyə başçısı namizədi olmuşdur. Seçkiləri Ədalət və İnkişaf Partiyası namizədi Orxan Fevzi Gömrükçüoğlu və Cümhuriyyət Xalq Partiyası namizədi Mehmet Volkan Canəlioğlunun ardından 3-cü sırada tamamlamışdır. Ümumi 460 823 səsdən 51 331-ni (11.1%) toplamışdır.

2015-ci il oktyabr və noyabr seçkilərində Milliyətçi Hərəkat Partiyasından millət vəkili namizədi olmuşdur.

2015-ci ildə MHP-dən istefa vermişdir.

2016-cı ildə MHP daxilində baş verən parçalanmada müxalif qanadın lideri Meral Akşenər Növbədənkənar Qurultayda MHP sədri seçilsə də, məhkəmə yolu ilə bu qurultay ləğv olunmuş və çoxsaylı üzvlər partiyadan ixrac olunmuşdur. İxraclarla bərabər çoxsaylı MHP üzvü partiya sıralarından istefa vermişdir. Bu üzvlər, Hüseyn Örs də daxil olmaqla, 2017-də Meral Akşenərin rəhbərliyində İYİ Partiyanın quruluşunda yer almışdır.

İYİ Partiya sıralarından Trabzon millət vəkili olaraq qatılan Hüseyn Örs millət vəkili seçilmişdir.

Ailəlidir və 1 oğlu var.