İkinci dünya müharibəsinin bitməsindən sonra Avstriya silahlı qüvvələri Kolt M1911 və Walther P38 istifadə edirdilər. Avstriya polisi isə Mühəribədən öncə və sonra Fransanın lisenziyasına əsasən hazırlanmış Walther PP və Walther PP] istifadə edirdilər. Yaranmış problemi aradan qaldırmaq məqsədilə 1980-ci ildə Avstriya polisi və ordusunun istifadəsi üçün yeni tapançanın hazırlanması məqsədilə müsabiqə keçirmək qərara alındı.

Müsabiqəçilərə tələblər aşağıda göstərilmişdir:

• güllənin tipi: 9×19 mm Parabellum;
• minimal tutum: 8 güllə;
• silahın sol və sağ əllə istifadə etmə bacarığı;
• sürətli şəkildə döyüş vəziyyətinə gətirilmə (qoruyucu fitilin olmaması);
• xüsusi avadanlığdan istifadə etmədən söküb yığa bilmə, cəmi detalların sayının 58dən çox olmaması;
• müvafiq dəyişikliklər olunmadan bütün hissələrin dəyişilməsi bacarığı;
• 10 000 atışa cəmi 20 dəfə gecikmənin olması;
• xarici faktorlar və temperaturun təsiri altında maksimal dərəcədə bütövlüyünü qorumaq;
• istifadəçi üçün maksimal dərəcədə təhlükəsiz olması, 2 metrə yüksəklikdən yerə düşdüyü təqdirdə atış etməməsi.

Müsabiqədə müxtəlif silah hazırlayıcı şirkətlər iştirak edirdi. Onların arasında az tanınan Vena şəhərinin yaxınlığında yerləşən Doç Vaqram şəhərində yaranmış kiçik Glock şirkəti də var idi. Həmin zaman Glock şirkəti avstriya ordusu üçün minaxtaran kürəyi, hərbi bıcaq, kəmər və müxtəlif sursatlar hazırlayırdı. Hələ 1970-ci illərin ortalarında Qaston Qlok mühəndislərinə sadə, effektiv və etibarlı tapança hazırlamağı tapşırmışdı.

Tapançanın əsas yeniliyi onda polimer materialının istifadə edilməsi idi. 1982-ci ildə orduda keçirilmiş sınağlardan sonra Glock 17 P80 adıyla Avstriya Ordusuna istifadəyə verildi. Glock şirkətinə 25 000 tapança sifariş verilmişdi. Şirkətin istehsal gücü zəif olduğundan həmin an üçün subpodratçı şirkətlər cəlb edilmişdi. İstifadəyə verildikdən sonra tapançanın uğurlu olması onun yeni tapançalar yaratmasına səbəb oldu, lakin ilkin layihə dəyişilməz olaraq qaldı.

İstehsalçı ölkə: Avstriya

İstehsalçı firma: Glock GmbH

Növü: özüdolan tapanca

İstehsal tarixi: 1982 – indiyədək

İstismar tarixi: 1982 – davam edir

Boş olarkən: 625 qr

Dolu olarkən: 905 qr

Uzunluğu: 186 mm

Lülənin uzunluğu: 114 mm

Lülənin kalibri — 9 mm

Giliz: 9x19 Parabellum (+P, +P+)

Atış tipi: geri təpməli çaxmağın əyilməsi

Atəş məsafəsi – 50 metr

Güllənin başlanğıc sürəti – 360 m\s

Atəş rejimi – tək-tək, avtomatik

Daraqın tutumu – standart 17 ədəd (19 və 33 ədəd)

Nişangah – çıxarıla bilən, açıq

Tapançanın layihəsi çox sadədir və xüsusi qurğu olmadan yığılıb, sökülən konstruksiyaya malikdir. Detalların cəmi sayı 33dür.