Girokastra Milli Folklor Festivalı (alb. Festivali Folklorik Kombëtar i Gjirokastrës) ― Albaniyanın cənubunda yerıəşən şəhərinin hər beş ildən bir keçirilən sənət festivalı. Festival ilk dəfə 1968-ci ildə baş tutmuşdur və Albaniya mədəniyyətinin ən vacib hadisəsi hesab olunur. Festivalda Albaniya vətəndaşları, diaspora nümayəndələri və Balkanlardan və İtaliyanın cənubundan gələn insanlar alban ənənəvi musiqisi, geyimləri və rəqsləri nümayiş etdirirlər. Girokastra festivalı 1949-cu ildə Tirana şəhərində başlayan Folklor Festivalları ənənəsini təqib edir.
Tarixi
Girokastra Milli Folklor Festivalından əvvəl 1949-cu ildə və daha sonra 25-27 noyabr 1959-cu illərdə Albaniyanın paytaxtı Tirana şəhərində "Milli Mahnı, Musiqi və Rəqs Festivalı" keçirilirdi. On il sonra, 8-16 oktyabr 1968-ci ildə Albaniyanın kommunist lideri və Girokastrada doğulmuş Ənvər Xocanın doğum günü şərəfinə ilk "Milli Folklor Festivalı" keçirildi. Festival hər beş ildən bir 1973, 1978, 1983 və 1988-ci illərdə təkrar təşkil olunurdu. Festival 1995-ci ildə Berat şəhərində keçirildi, 2000-ci ilin sentyabr ayından isə yenidən Girokastrada təşkil olunmağa başladı.
Festival doqquzuncu dəfə 2009-cu ilin sentyabr ayında baş tutdu. Festivalın qalibləri Şkoder vilayəti təmsilçiləri oldular, onlar ən yaxşı ümumi çıxışlarına görə birinci yeri tutdular, ən yaxşı fərdi çıxışlarda isə Şərif Dərvişi və Mifterin Uka hamını üstələdilər.
Festivalın onuncu mövsümü 10–16 may 2015-ci ilə təsadüf etdi.COVID-19 koronavirus pandemiyasına görə festivalın 11-ci mövsümü bir il sonraya, 2021-ci ilin 1-8 may tarixlərinə təxirə salındı.
İstinadlar
- ↑ Tole, Vasil. (PDF). UNESCO. səh. 52. 13 July 2011 tarixində (PDF). İstifadə tarixi: 26 July 2010.
- ↑ . YouTube. 9 April 2016 tarixində . İstifadə tarixi: 7 November 2010.
- Ahmedaja, Ardian; Haid, Gerlinde. . 1. Wien : Böhlau. 2008. 2020-02-03 tarixində . İstifadə tarixi: 2021-03-24.
- Top Channel. . Top Channel (alban). 25 September 2009. 7 October 2011 tarixində . İstifadə tarixi: 31 August 2010.
- Gazeta Start. . Gazeta Start (alban). 2009-09-30. 18 January 2010 tarixində arxivləşdirilib. İstifadə tarixi: 2 September 2010.
- . 2015-02-23 tarixində arxivləşdirilib. İstifadə tarixi: 2021-03-24.
- . www.visit-gjirokastra.com. 2020-01-20 tarixində arxivləşdirilib. İstifadə tarixi: 2020-07-04.
Xarici keçidlər
- Albaniya Mədəniyyət Nazirliyinin rəsmi saytı