Mantaşov Gəray Sultan oğlu (1913, İlisu, Qax rayonu, Azərbaycan) — İkinci dünya müharibəsi illərində Almaniyada yaradılmış Azərbaycan legionunun üzvü.
| Gəray Mantaşov | |
|---|---|
| Gəray Sultan oğlu Mantaşov | |
 Gəray Mantaşov | |
| Doğum tarixi | |
| Doğum yeri | İlisu kəndi |
| Vəfat tarixi | |
| Vəfat yeri | İlisu, Azərbaycan |
| Fəaliyyəti | mühasib |
Həyatı
Gəray Sultan oğlu Mantaşov 1913-cü ildə Qax rayonunun İlisu kəndində anadan olub. II Dünya savaşı dönəmində – 1941-ci ilin dekabrında müharibəyə yollanıb. Əsasən Ukrayna ərazisində gedən döyüşlərdə, Krımda və Ukraynanın digər cənub ərazilərində aparılan savaşlarda iştirak edib.
Müharibə illərində almanlara əsir düşdükdən sonra Azərbaycan legionuna qəbul olunmuş. Müharibənin sonuna qədər legionun tərkibində olmuş və ober-leytenant rütbəsinə kimi yüksəlmişdir. Müharibənin sonunda sovet ordusu tərəfindən həbs olunaraq hərbi tribunala verilmiş. Möcüzə şəklində güllələnmə qərarı Sibirə sürgünlə əvəzlənmiş. Sibirdə daş kömür şaxtasında işləmiş və burda baş vermiş uçqun nəticəsində uzun müddət hərəkət qabiliyyətini itirmişdir. Möhkəm dözümlülük və əzim nəticəsində yenidən ayağa durmağa bacaran Gəray 1955-ci ildə həbsdən qayıtmışdır. Uzun müddət onun keçmişinə görə bütün ailə üzvlərini, qohumlarını təqib etmişlər. Sonralar isə bacarıq və qabiliyyətinə görə kolxozun mühasibi vəzifəsinə layiq görülmüşdür. 1982-ci ildə vəfat etmişdir.
İstinadlar
- (az.). strateq.az. 2016-09-27 tarixində . İstifadə tarixi: 2016-09-27.
- (az.). ethnoglobus.az. 2017-12-12 tarixində . İstifadə tarixi: 2017-12-12.