Gəncə Beynəlxalq Xəstəxanası 9 sentyabr 2015 tarixindən fəaliyyətə başlamışdır.

Beş mərtəbədən ibarət xəstəxananın ümumi sahəsi 11.887 m²-dir. Gəncə Beynəlxalq Xəstəxanası geniş profilli xəstəxana olaraq Azərbaycanın ikinci böyük şəhəri olan Gəncə şəhərində yerləşir. Gəncə Beynəlxalq Xəstəxanası 2 sentyabr 2016-cı ildə Qafqazda JCI (Joint Commission International) tərəfindən akkreditə edilmiş ilk xəstəxana olaraq tarixə düşmüşdür.

Xəstəxanada ambulator və stasionar müalicə xidmətləri göstərilir. Poliklinika şöbəsi 25 kabinetdən, stasionar şöbə 38 (bunlardan 5 junior suit, 4 suit, 2 VİP) tək çarpayılı və 12 çox çarpayılı xəstə otaqlarından ibarətdir. Ümumilikdə 73 çarpayı vardır. Ambulator pasiyentlərin rahatlığı üçün geniş şərait yaradılmışdır. Belə ki, pasiyentlər vaxt itkisi yaşamasın deyə, öncədən qeydiyyata yazılaraq təyin olan vaxtda həkim müayinəsinə daxil olurlar. Xəstə sirri, xəstə məhrəmiyyəti Gəncə Beynəlxalq Xəstəxanasının hər bir əməkdaşı tərəfindən qorunur. Xəstə haqqında məlumatların ikinci bir şəxs tərəfindən öyrənilməsinə heç bir halda şəratit yaradılmır. Stasionar müalicə yüksək səviyyəli təşkil edilmişdir. Pasiyentlərin tam şəkildə rahat komfortlu olmaları üçün 38 tək çarpayılı, 12 çoxçarpayılı xəstə otaqları vardır.

Gəncə Beynəlxalq Xəstəxanasında 27 tibbi bölmə və 50-dən çox yerli və əcnəbi konsultant mütəxəssis həkimlər fəaliyyət göstərir. Onlardan 5 — Tibb üzrə Fəlsəfə Doktoru, 11 Uzman Doktordur. Əcnəbi mütəxəssislərlə yanaşı çalışan yerli həkimlər xarici ölkələrdə seminarlara qatılmış, bilik və bacarıqlarını artırmaq üçün tibbdə baş verən yenilikləri yaxından izləyirlər.

Gəncə Beynəlxalq Xəstəxanasında check-up mərkəzi fəaliyyət göstərir. Bu mərkəzdə pasiyentlər ümumi və ya müəyyən orqanlar üzrə check-up müayinələrdən yararlana bilər. Bununla da, pasiyentlər üçün vacib olan bütün diaqnostik və laborator müayinələr həyata keçirilir. Pasiyentlər daha az vaxtda sağlamlıqlarının qayğısına qala və xəstəliklərin fəsadlarından qoruna bilərlər. Check-up mərkəzinin fəaliyyətinin digər əsas vəzifəsi hər bir insana öz sağlamlığının qayğısına qalması və xəstəlik haqqında əvvəlcədən xəbərdar olmaqla bir çox baş verə biləcək fəsadlardan qorunmaq fikrini təlqin etməkdən ibarətdir. İnsanların sağlamlığını qoruması üçün mütəmadi olaraq müayinələrdən keçməsi, onların qarşılaşa biləcəyi xəstəliklərin inkişaf etmədən qarşısını almaqla daha uzun və sağlam ömür yaşamalarını təmin etmək də məqsədlərdən biridir.

Xəstəxanada 24 saat Təcili Tibbi yardım xidməti göstərilməkdədir. Pasiyentlərin daşınması və tibbi yardım alması üçün tam təchiz edilmiş 2 ambulans və 1 reanimobil var. Bununla da az vaxtda təcili və təxirəsalınmaz tibbi yardımı həyata keçirmək üçün geniş və lazımi şərait yaradılaraq pasiyentlərə vaxtında müdaxilə edilir və baş verə biləcək fəsadların qarşısı alınır. Müraciət edilmiş və xəstəxanaya daxil olan pasiyentlərə vacib müdaxiləni etmək üçün tibb heyəti və avadanlıqlar hər zaman hazırdırlar.

Gəncə Beynəlxalq Xəstəxanasının missiyası xəstələrə beynəlxalq standartlara uyğun diaqnostik, müalicə və baxım xidməti təmin etmək və bu məqsədlə işçilərinin peşə biliyi və bacarığını davamlı artırmaqdır. Hər zaman tibbdə baş verən yenilikləri tətbiq edən ilk xəstəxanalardan olmaqdır. Xəstəxananın sahib olduğu imkanları daima genişləndirərək qarşıda duran məqsədlərə inamla və səylə addımlamaqdır.

Gəncə Beynəlxalq Xəstəxanası olaraq işi beynəlxalq keyfiyyət standartları, xəstə təhlükəsizliyi və etik dəyərlər üzərində qurulub.

Keyfiyyət yaxşılaşdırma məqsədinə uyğun şəkildə yeni hədəflər təyin edir, bunun üçün addımlar atır, atılan addımların doğruluğuna nəzarət edir.

Xidmət keyfiyyəti sənədləşdirilməsi məqsədilə beynəlxalq aləmdə tanınan JCI (Joint Commission International) təşkilatına müraciət edərək Qafqazda ilk akkreditə olunmuş xəstəxana adını qazanıb. Xidmət keyfiyyətini qorumaq və inkişaf etdirmək üçün daimi olaraq pasiyentlərlə sorğular reallaşdırılır, qeyd olunan təkliflər dəyərləndirilir və uyğun şəkildə xəstəxananın işində öz əksini tapır. Xidmət göstərilən hər bir insanın razılığı və keyfiyyətli xidmətlə təmin olunması keyfiyyət siyasətinin prioritet hədəflərindəndir.

2016-cı il sentyabrın 2-də Gəncə Beynəlxalq Xəstəxana Qafqaz reqionunda JCİ tərəfindən ilk Beynəlxalq akkreditasiya almış xəstəxana kimi tarixə düşür.

Joint Commission International (JCI) — qeyri-kommersiya təşkilatı 1994-cü ildə təsis edilmişdir. Baş ofisi Amerika Birləşmiş Ştatlarının Çikaqo şəhərində yerləşir.

JCI-ın başlıca məqsədi tibb mərkəzlərində xəstəyə göstərilən tibbi xidmətlərin keyfiyyətinin və xəstə təhlükəsizliyinin ölçülməsidir.

JCI bütün dünyada səhiyyə mərkəzlərinin akkreditasiyasını icra edən ən nüfuzlu və etibarlı təşkilat kimi qəbul olunur. JCI standartları dünyada qızıl standart sayıldığı üçün akkreditasiyadan keçmiş xəstəxanalar xüsusi qızıl rəngli fərqləndirmə nişanı ilə təltif edilir.

Xəstəxanada təhlükəsizliyi təmin etmək məqsədilə 57 müşahidə kamerası quraşdırlmışdır. Gülərüz və təcrübəli təhlükəsizlik bölməsinin əməkdaşları 24 saat iş başındadır. Yanğın əleyhinə avtomatik su püskürdücü sistem, 8 təcili yanğın çıxışı və təlimdən keçmiş personal ola biləcək yanğın hadisələrində insan xəsarət və itkisini sıfıra endirməkdədir. Xəstələrin və xəstə yaxınlarının təhlüksəsiz şəkildə xəstəxana xidmətlərindən yararlanması üçün lazımi addımlar atılır və tədbirlər görülür.