Gürcüstan Xalq Rəqs Ansamblı
Gürcüstan Xalq Rəqs Ansamblı — 1945-ci ildə Tbilisidə (Gürcüstan SSR) yaradılmış xoreoqrafik kollektivdir. Ansamblın ilk rəhbərləri, eləcə də solistləri ər-arvad Nina Ramişvili (1972-ci ilə qədər rəqs etdi) və İlya Suxişvili (1954-cü ilə qədər rəqs etdi) olmuşlar.
| Gürcüstan Xalq Rəqs Ansamblı | |
|---|---|
 | |
| Əsas məlumatlar | |
| Fəaliyyət illəri | 1945-indiyəcən |
| Ölkə | |
 Vikianbarda əlaqəli mediafayllar | |
Gürcüstan SSR əməkdar artistləri M. Mxeidze, V. Kuparadze, Q. Surviladze, N. Lordkipanidze, Ş. Baramidze, N. Pliev, V. Kalandadze, Z. Bilaloviç ansamblda çalışmışlar.
Ansamblın repertuarına Gürcüstanın, Osetiyanın müxtəlif xalqlarının xalq rəqsləri, habelə gürcü xalq çalğı alətlərində musiqi müşayiəti ilə teatrlaşdırılmış süjet tamaşaları daxildir. Ansamblın artistlərinin ifa etdikləri rəqslər arasında "Kartuli" (gürc. ქართული), qadın rəqsi "Samaya" (gürc. სამაია), "Kintouri", "Davluri", Azərbaycan rəqsi "Ceyrani", Acar rəqsləri "Qandağan" və "Xorumi", Osetin rəqsləri "Simd" və "Komik rəqs", "İluri", Honq rəqsi, "Xevsuriya rəqsi" və s. yer alır.
1948-ci ildən ansambl SSRİ şəhərlərini gəzməyə başladı, sonra Polşa, Rumıniya, ABŞ, Finlandiya, Fransa, Çexoslovakiya, Avstriya, Bolqarıstan, Macarıstan, Danimarka, Venesuela, Kolumbiya, Kubaya qastrol səfərlərinə çıxdı.
1967-ci ildə ansambl İtaliyada, Milanda La Skala teatrında çıxış etmişdir.[1] Qəzetlər bu çıxış haqqında yazırdılar:
Gürcü balet artistlərinin özü mükəmməldir. Onlar rəqs etmir, sanki uçurlar. Səhnədə sanki fırtınalar qopur! Onların rəqsi cazibə qanunlarına ziddir. Kişi cəsarətinin və qadın lütfünün birliyini təcəssüm etdirir. Kaleydoskopik həndəsə və hərbi aydınlıqla havaya uçan rəqqasların ekstravaqanzasını təşkil edir."
2007-ci ilə qədər ansambla ilk bədii rəhbərlərin oğlu Tengiz Suxişvili rəhbərlik edirdi.[1][2]. Onun ölümündən sonra ansamblın rəhbəri Zurab Bilaloviç olub.
Gürcüstan Xalq Rəqs Ansamblını üzvlərini konsertlərdə uzun ətəkli rəqqasların döşəmədə sürüşərək rəqs ifa etməsi yazıçı Terri Neyşteyni "Doktor Kim" serialı üçün Daleks obrazını yaratmağa ruhlandırmışdır.[3]
- 1954 — "Gürcüstanın Dövlət Xalq Rəqs Ansamblı", sənədli film, rejissor Tengiz Abuladze.
- ↑ 1 2 "Сухишвили — Рамишвили" Arxiv surəti 19 avqust 2007 tarixindən Wayback Machine saytında Arxivləşdirilib 2007-08-19 at the Wayback Machine
- ↑ "Народный артист Грузии Тенгиз Сухишвили похоронен 29 марта в Дидубийском пантеоне". 2015-04-20 tarixində arxivləşdirilib. İstifadə tarixi: 2021-10-21.
- ↑ Richards, Justin. Doctor Who — The Legend: 40 Years of Time Travel. London: en:BBC Books. 2003. səh. 26. ISBN 0-563-48602-3.
- Georgian National Ballet Sukhishvili // официальный сайт ансамбля
- Золотой запас. Грузинский ансамбль танца ещё хранит остатки традиций // "Ведомости"
- Первый танцевальный по-грузински