Gülşən Əliyeva-Kəngərli — Vikipediya

Gülşən Əliyeva-Kəngərli

Gülşən Əliyeva-Kəngərli (16 may 1970, Naxçıvan[1]) — filologiya elmləri doktoru, professor, füzulişünas, Azərbaycan Yazıçılar Birliyinin üzvü. Yeni Azərbaycan Partiyasının üzvü.

Gülşən Əliyeva-Kəngərli
Gülşən Teymur qızı Əliyeva
Doğum tarixi 16 may 1970(1970-05-16) (54 yaş)
Doğum yeri
Elmi dərəcəsi filologiya üzrə elmlər doktoru
Elmi adı
İş yerləri
Təhsili
Üzvlüyü
Mükafatları "Tərəqqi" medalı

Həyatı

Gülşən Teymur qızı Əliyeva — Kəngərli 1970-ci ildə Naxçıvanda anadan olub. 1986-cı ildə Bakı şəhər 6 saylı orta məktəbi, 1993-cü ildə Azərbaycan Dövlət İncəsənət İnstitutunu bitirib.

2000-ci ildə "Çağdaş Azərbaycan poeziyasında Füzuli ənənələri" mövzusunda namizədlik, 2009-cu ildə "Azərbaycan füzulişünaslığının tarixi inkişaf mərhələləri" adlı doktorluq dissertasiyası müdafiə edib.

Əmək fəaliyyəti

1998–2000-ci illərdə Azərbaycan Milli Elmlər Akademiyasının Tarix muzeyində, Nizami adına Azərbaycan ədəbiyyatı muzeyində elmi işçi vəzifəsində işləyib. G. Əliyeva 2005–2012-ci illərdə Azərbaycan Dövlət Mədəniyyət və İncəsənət Universitetinin "Ədəbiyyat və Azərbaycan dili" kafedrasının müdiri, 2012-ci ildən "Tərbiyə işləri üzrə" prorektor, 2015-ci ildən "Beynəlxalq əlaqələr və tərbiyə işləri üzrə" prorektor vəzifəsində çalışır. Bu müddət ərzində o müxtəlif dövlətlərlə: Türkiyə, İran, Rusiya, Polşa, Orta Asiya türk dövlətləri ilə mədəni əlaqələrin qurulması, saziş və müqavilələr bağlanılması sahəsində əhəmiyyətli işlər görüb, qabaqcıl dünya təcrübəsindən bəhrələnmək məqsədilə bir çox xarici universitet və beynəlxalq təhsil qurumları ilə əməkdaşlıq etmişdir. Avropa İttifaqının Erasmus+ Proqramı çərçivəsində təşkil edilən müxtəlif layihələrin iştirakçısıdır.

Azərbaycan elm, mədəniyyət və incəsənətinin dünya mədəni prosesinə qoşulması G. Əliyevanın ziyalı kimi əsas məqsədlərindəndir.

İctimai fəaliyyəti

2005-ci ildən Yeni Azərbaycan Partiyasının üzvüdür. 2002–2014-cü illərdə Azərbaycan Milli Elmlər Akademiyasının Mərkəzi Elmi Kitabxanasında "Heydər Əliyev irsinin təbliği" şöbəsinə rəhbərlik edib. 2005-ci ildən tənqidçi və ədəbiyyatşünas kimi Azərbaycan Yazıçılar Birliyinin üzvüdür. 2003-cü ildə "Füzuli sehri" kitabına görə "Yaddaş" milli mükafatına, "Heydər Əliyev irsinin tədqiq və təbliğinə görə" mükafata, 2013-cü ildə "Tərəqqi" medalına,[2] 2014-cü ildə Ədəbiyyatşünaslıq sahəsində xidmətlərinə görə Cəfər Cabbarlı mükafatına layiq görülüb.[3]

Elmi-yaradıcılıq fəaliyyəti

İran, Türkiyə, Orta Asiya, Rusiya, İspaniya, Fransa, İtaliyada elmi konfrans və simpoziumlarda məruzələrlə çıxış edib. "Çağdaş poeziya və klassik irs" (2000), "Poetika məsələləri" (2002), "Füzuli sehri" (2003), "Azərbaycan füzulişünaslığı" (2007), "Ədəbiyyatşünaslıqda Füzuli fenomeni" (2009), "Füzuli irsinin əruz kanonları üzrə tədrisi", "Физуливедение: история и теория " (2008), "Bədii düşüncə: tarixi gerçəklik və estetik ideal" (2011), "Azərbaycan ədəbiyyatından mühazirə mətnləri" (dərslik 2014), "Füzuli poetikası" (2015), "Sufizm" (2016), "Hüsnü-cəmal, əqli kamal (Nəsimi poetikasından incilər)" (2019), "Xəyal və idrakın vəhdəti (Azərbaycan fəlsəfi — intellektual şeir təmayülü)" (2021) kimi kitab və monoqrafiyaların, Rusiyada, İranda, Türkiyədə və Özbəkistanda çap olunmuş kitabların və 200-dən artıq elmi-nəzəri məqalənin müəllifidir.

Elmi xidmətləri

  • Ənənə və novatorluq problemi kontekstində müasir Azərbaycan poeziyasında Füzuli ənənələrini araşdırıb[4] ("Çağdaş poeziya və klassik irs")
  • Ədəbiyyatşünaslıqda ən qədim problemi – poetika məsələlərini tədqiq edib[5][6] ("Poetika məsələləri" və "Füzuli poetikası" kitabları)
  • Azərbaycan füzulişünaslığının 500 ildə keçdiyi inkişaf yolunu mərhələlər üzrə konseptual-sistemli tədqiqata cəlb edib[7] ("Azərbaycan füzulişünaslığı" monoqrafiyası).
  • Klassik və müasir poeziya materialları əsasında tarixilik və estetik ideal münasibətlərini, xüsusilə Füzuli yaradıcılığının rüknlərini (Hüsn, Eşq və Qəm) tarixilik və müasirlik müstəvisində təhlil edib.[8]
  • Orta Əsrlər Azərbaycan ədəbiyyatının iki qlobal problemlərini- bədii-fəlsəfi cərəyan olan Sufizimi (Təsəvvüfü) və hürufizmi nəzəri-intellektual tərzdə təhlil edib[9][10][11] ("Bədii düşüncə: tarixi gerçəklik və estetik ideal", "Sufizm" və "Hüsnü-cəmal, əqli kamal (Nəsimi poetikasından incilər)" kitabları)
  • Gülşən Əliyevanın elmi xidmətlərinin mühüm bir sahəsi kimi maarifçilik, tədris-pedaqoji işlə bağlıdır. O, "Əruz vəzni", "Füzuli sehri", Klassik Azərbaycan ədəbiyyatı kimi mövzularda mühazirələr oxuyub. Onların tədris-metodiki göstəriciləri, proqramlar və dərsliklər hazırlayıb.[12][13][14] ("Füzuli sehri", "Füzuli irsinin əruz kanonları üzrə tədrisi", "Azərbaycan ədəbiyyatından mühazirə mətnləri" kitabları)
  • O, həm klassik poetika və estetika problemlərini, həm də XX əsrin iki mühüm təmayülündən birini fəlsəfi-intellektual poeziya cərəyanını sistemli-sturuktural səviyyədə araşdırıb[15] ("Xəyal və idrakın vəhdəti").
  • Professor Gülşən Əliyevanın elmi tədqiqatlarında milli müəyyənlik dövlətçilik mənafeləri, azərbaycançılıq və türküçülüyün vəhdəti aparıcı istiqamət təşkil edir.

İstinadlar

  1. ↑ 1 2 https://www.admiu.edu.az/enen.php?go=vice-rector-3.
  2. ↑ "Mərkəzi Elmi Kitabxananın elmlər doktorları". science.gov.az (az.). 2023-02-19 tarixində arxivləşdirilib. İstifadə tarixi: 19 fev 2023.
  3. ↑ "Cəfər Cabbarlı mükafatı". 2023-02-19 tarixində arxivləşdirilib. İstifadə tarixi: 19 fev 2023.
  4. ↑ "Kəngərli ocağından boy verən Füzuli vurğunu". 2023-02-19 tarixində arxivləşdirilib. İstifadə tarixi: 19 fev 2023.
  5. ↑ Əliyeva, Gülşən Teymur qızı. "Poetika məsələləri". 2023-02-19 tarixində arxivləşdirilib. İstifadə tarixi: 19 fev 2023.
  6. ↑ ""Füzuli poetikası" nəşr edildi" (az.). 2023-02-19 tarixində arxivləşdirilib. İstifadə tarixi: 19 fev 2023.
  7. ↑ ""Azərbaycan füzulişünaslığı" kitabını çapdan çıxmışdır" (az.). İstifadə tarixi: 19 fev 2023.
  8. ↑ Gülşən Əliyeva-Kəngərli. "Füzuli şeirinin rüknləri" (az.). 2023-03-13 tarixində arxivləşdirilib. İstifadə tarixi: 2023-03-13.
  9. ↑ ""Bədii düşüncə. Tarixi gerçəklik və estetik ideal" kitabı çap olunmuşdur" (az.).
  10. ↑ Sufizm. (az.) http://web2.anl.az:81/read/page.php?bibid=vtls000360707 (#bare_url_missing_title). 2023-03-13 tarixində arxivləşdirilib. İstifadə tarixi: 2023-03-13.
  11. ↑ "Hüsnü cəmal, əqli kamal" (az.). 2023-03-13 tarixində arxivləşdirilib. İstifadə tarixi: 2023-03-13.
  12. ↑ "Füzuli şehri" (türk). 2023-03-13 tarixində arxivləşdirilib. İstifadə tarixi: 2023-03-13.
  13. ↑ "Füzuli sehrindən Sufi təliminə" (az.). 2023-03-13 tarixində arxivləşdirilib. İstifadə tarixi: 2023-03-13.
  14. ↑ "Azərbaycan ədəbiyyatından mühazirə mətnləri" (az.). 2023-03-13 tarixində arxivləşdirilib. İstifadə tarixi: 2023-03-13.
  15. ↑ ""Xəyal və idrakın vəhdəti" kitabı çapdan çıxıb" (az.). İstifadə tarixi: 20 fev 2023.

Mənbə — "https://az.wikipedia.org/w/index.php?title=Gülşən_Əliyeva-Kəngərli&oldid=7773641"

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023