Tallomun nazik, dənəvər quruluşda olub, qəhvəyi-boz rəngdədir. Apotesiləri tallom səthində səpələnmiş vəziyyətdə 2-3 yerləşmişdir. Diametri 0,4-0,8 mm, oturaqdır. Apotesi diski dəirmi, qara, tutqun, çılpaqdır. Diskin qıraqları nisbətən açıqdır. Tallom KOH təsirindən bənövşəyi rəng alır.

Qazmaqvari həyatı formaya malikdir. Cinsi çoxalması vasitəsilədir. Bitki örtüyünün genofondu baxımından əhəmiyyətlidir.

Şəki rayonu küngüt kəndi ətrafında, meyvə bağında gilas ağacı qabığında yayılmışdır.

Yayılma ərazilərinin sahəsinin və yaşayış mühitinin keyfiyyətinin davam edən azalması müşahidə olunur.

Antropogen amillər ağacların qırılması, atmosfern çirklənməsidir.

Növün rast gəldiyi Şəki rayonu Baş Küngüt kəndi ətrafındakı meyvə bağını yasaqlıq elan etmək, populyasiyalar üzərində daimi nəzarət təbiq etmək, yeni yayılma yerlərini aşkar etmək lazımdır.