Fizuli Cavadov (1 sentyabr 1966, Zirə, Azərbaycan SSR - 30 noyabr 2021, Xızı rayonu, Azərbaycan) — Azərbaycanlı hərbçi-şturman, polkovnik. Azərbaycan Hərbi Hava Qüvvələrinin baş inspektoru, Dövlət Sərhəd Xidməti'nin Mərkəzi aparatında aviasiya idarəsinin rəisi, Birinci Qarabağ müharibəsi, Aprel döyüşləri və İkinci Qarabağ Müharibəsi iştirakçısı.
| Fizuli Cavadov | |
|---|---|
| Fizuli Əli İbram oğlu Cavadov | |
| Şəxsi məlumatlar | |
| Doğum tarixi | |
| Doğum yeri | Zirə, Azərbaycan SSR |
| Vəfat tarixi | (55 yaşında) |
| Vəfat səbəbi | helikopter qəzası |
| Dəfn yeri | Zirə Şəhidlər Xiyabanı |
| Milliyyəti | Azərbaycanlı |
| Hərbi fəaliyyəti | |
| Mənsubiyyəti |
 Azərbaycan Ordusu
|
| Qoşun növü |
 Sərhəd Qoşunları
|
| Rütbəsi | Polkovnik |
| Döyüşlər | Birinci Qarabağ müharibəsi, Aprel döyüşləri və İkinci Qarabağ Müharibəsi |
| Təltifləri |
    
|
Həyatı
Füzuli Cavadov 1966-cı il sentyabrın 1-də Bakı şəhərinin Zirə qəsəbəsində doğulub. Orta təhsilini Zirə qəsəbəsi 241 nömrəli məktəbdə bitirib.
Xidməti
Füzuli Cavadovun həqiqi hərbi xidməti Rusiyanın Arxangelsk şəhərində keçib. Xidmətini başa vurduqdan sonra Azərbaycana qayıdıb. 1990-1991-ci illərdə Milli Orduda qulluq edib və Birinci Qarabağ müharibəsi iştirakçısı olub. 1992-1994-cü illərdə Qaladakı hərbi hissədə hazırlıq kursunu bitirib və eskadrilya komandiri vəzifəsinə qədər yüksəlib. Daha sonra qazandığı uğurlarla irəli gedərək, Müdafiə Nazirliyində xidmətə başlayıb. Müdafiə Nazirliyinin Hərbi Hava Qüvvələrinin baş inspektoru vəzifəsində çalışıb. 2011-ci ildə Dövlət Sərhəd Xidmətində təyyarəçi-inspektor kimi işə başlayıb. Xidməti dövründə 4 müxtəlif (Mi-24, Ka-27, Mi-8 və Mi-17) modifikasiyalı helikopterlərdə uçuş icazəsinə və müxtəlif sertifikatlara yiyələnmişdir. 2021-ci ilin sentyabr ayından Dövlət Sərhəd Xidmətinin Mərkəzi aparatında aviasiya idarəsinin rəisi təyin edilib.
Ailəsi
Ailəli idi. Nərmin adlı qızı və İkram adlı oğlu yadigar qalıb.
Ölümü
30 noyabr 2021-ci ildə Azərbaycan Respublikası Dövlət Sərhəd Xidmətinin (DSX) hərbi helikopteri Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğramışdır. İlkin məlumatlara görə, helikopterin qəzaya uğraması nəticəsində 14 nəfər həlak olmuş, 2 nəfər isə yaralanmışdır. Fizuli Cavadov və 13 zabitlə ertəsi gün Sərhədçi İdman Olimpiya Mərkəzində vida mərasimi keçirilmişdir. Fizuli Cavadov Zirə Şəhidlər Xiyabanında dəfn olunmuşdur.
Xatirəsi
Fizuli Cavadovun adı Zirə qəsəbəsindəki küçələrdən birinə verilib.
Təltifləri
İstinadlar
- . 2021-12-06 tarixində . İstifadə tarixi: 2023-09-30.
- . Associated Press (ingilis). 30 noyabr 2021. 2021-11-30 tarixində . İstifadə tarixi: 30 noyabr 2021 – The Times of Israel vasitəsilə.
- . Washington Post (ingilis). 30 noyabr 2021. İstifadə tarixi: 1 dekabr 2021. [ölü keçid]
- . Hürriyet Daily News (ingilis). 30 noyabr 2021. 2021-11-30 tarixində .
- Kazımoğlu, Mirmahmud. . Report İnformasiya Agentliyi (az.). 1 dekabr 2021. 2021-12-01 tarixində . İstifadə tarixi: 1 dekabr 2021.
- Qərib, Səid. . Report İnformasiya Agentliyi (az.). 1 dekabr 2021. 2021-12-01 tarixində . İstifadə tarixi: 1 dekabr 2021.