Fikrət Xalıqov
Bu səhifədə iş davam etməkdədir. |
Fikrət Xalıqov— filologiya elmləri doktoru, dilçi və folkşunas alim. Azərbaycan Dövlət Pedaqoji Universitetinin azərbaycan dili və onun tədrisi metodikası kafedrasının professoru, Şəkinin ensiklopedik şəxslərini əhatə edən bioqrafik məlumatlar toplusunun – Şəki: Alim və ziyalılar kitabının həmmüəllifi.
| Fikrət Xalıqov | |
|---|---|
| Fikrət Ramazan oğlu Xalıqov | |
| Doğum tarixi | |
| Doğum yeri |
Baş Layısqı, Nuxa rayonu, .svg){kind=small} Azərbaycan SSR,  SSRİ |
| Vətəndaşlığı |
SSRİ→ Azərbaycan |
| Elmi dərəcəsi | filologiya elmləri doktoru |
| Elmi adı | professor |
| İş yeri | Azərbaycan Dövlət Pedaqoji Universiteti Azərbaycan Texniki Universiteti |
| Təhsili | M.F.Axundov adına Azərbaycan Pedaqoji İnstitutu, Avropa dilləri fakultəsi,alman və azərbaycan dilləri ixtisası |
Fikrət Xalıqov 28 mart 1949-cu ildə Nuxa rayonunun Baş Layısqı kəndində anadan olub. 1966-cı ildə orta məktəbi bitirib. 1966 – 1971-ci illərdə M. F. Axundov adına Azərbaycan Pedaqoji İnstitutunun Avropa dilləri fakültəsində alman və azərbaycan dilləri ixtisası üzrə təhsil alıb.
1971 − 1973-cü illərdə Qəbələ rayonunu Mirzəbəyli kənd məktəbində ixtisası üzrə müəllim, 1974-cü ildə Ağdam şəhərində Maarif işçiləri evində müavin vəzifəsində çalışıb. Fikrət Xalıqov daha sonra 1979 − 1992-ci illərdə Nəsimi adına Dilçilik İnstitutunda kiçik elmi işçi, şöbə müdiri işləyib.
Fikrət Sadıqov 1984-cü ildə "Milli -Qarabağ düzü toponimiyası (Ağdam, Ağcabədi və Bərdə rayonlarının materialları əsasında)" mövzusunda namizədlik, daha sonra 2004-cü ildə isə "Azərbaycan dilinin folklor onomastikası" mövzusunda doktorluq dissertasiyasını müdafiə edib.
2011-ci ildə professor elmi adını alıb.
Azərbaycan dilinin tədrisi metodikası sahəsində də tədqiqatlar aparmış və N. Abdullazadə ilə birlikdə 2 cildlik Azərbaycan dili (didaktik materiallar) kitabını nəşr etdirmişdir. Fikrət Sadıqovun pedaqoji və elmi ədəbiyyatda Azərbaycan dili, onun tədrisi dilçiliyin müxtəlif şöbələri ilə əlaqədar 80-dən çox əsəri çap olunub.
Professor Fikrət Xalıqovun "Folklor onomastikası" (Bakı, 1998), "Azərbaycan toponimləri" (Bakı, 1999), "Folklor onomastikası" (Bakı, 2000), "Şəki: Alim və ziyalılar, II hissə – həmmüəllif" (Bakı, 2002), "Elmi işçilər üçün rusca-azərbaycanca danışıq kitabçası" (Bakı, 2002), "Azərbaycan dili" (didaktik materiallar), I c. (Bakı, 2006), "Azərbaycan dili" (didaktik materiallar), II c. (Bakı, 2006), "Şəki: Tarixi-etnoqrafik oçerklər" II hissə – həmmüəllif (Bakı, 2007), "Azərbaycan onomologiyası" (Bakı, 2009), "Nitqdə ifadəlilik yaradan vasitələrin öyrədilməsi" – həmmüəllif, (Bakı, 2012) kitabları nəşr olunub.
Fikrət Xalıqov 2003-cü ildən Azərbaycan Müəllimlər İnstitutunun azərbaycan dili, ədəbiyyatı və onun tədrisi kafedrasının dosenti, 2007-ci ildən həmin kafedranın müdiri olmuşdur. Daha sonra 15 sentyabr 2016-cı il tarixindən Azərbaycan Dövlət Pedaqoji Universitetinin azərbaycan dili və onun tədrisi metodikası kafedrasında professor — müəllim kimi fəaliyyət göstərir.
Fikrət Xalıqov 1988 – 1990-cı illərdə Nəsimi adına Dilçilik İnstitutunun Həmkarlar komitəsinin sədri olub. 2008 – 2010-cu illərdə AMEA-nın Folklor İnstitutunda, 2010 – 2013-cü illərdə isə Nəsimi adına Dilçilik İnstitutunda dissertasiya şuralarının üzvü olub.
2013-cü ildə Azərbaycan Respublikasının Prezidenti yanında Ali Attestasiya Komisiyasının filologiya elmləri üzrə ekspert şurasının üzvü təyin edilib.