Ferto-Xanşaq Milli Parkı
Fertö-Xanşaq Milli Parkı (mac. Fertő-Hanság Nemzeti Park) ― Şimal-qərbi Macarıstanda, Dyör-Moşon-Şopron medyesində yerləşən milli park. Milli park 1994-cü ildə açılmışdır və 235,88 km² ərazini əhatə edir. Ferto gölü ətrafındakı parkın ərazisi Avstriyanın Noyzidler-Si Milli Parkına bitişikdir. Göl və ətraf ərazilər UNESCO-nun Ümumdünya mədəni irsi siyahısına daxil edilmişdir.
| Ferto-Xanşaq Milli Parkı | |
|---|---|
 | |
BTMB kateqoriyası — II (Milli park).svg){kind=logo} |
|
| Sahəsi |
|
| Yaradılma tarixi | 1991 |
| Yerləşməsi | |
| 47°45′ şm. e. 16°45′ ş. u.HGYO | |
| Ölkə | |
| ferto-hansag.hu | |
|
|
|
| Rəsmi adı | Fertö / Neusiedlersee Cultural Landscape |
| Tipi | mədəni |
| Kriteriya | (v) |
| Tarixi | 2001 |
| İstinad nöm. | 772rev |
 Vikianbarda əlaqəli mediafayllar | |
Parka ziyarət mütəşəkkil bir ekskursiya ilə mümkün olsa da bəzi ərazilər insanlar üçün ümumiyyətlə bağlıdır.
Park iki böyük ərazidən ibarətdir: Ferto gölü və Xanşaq bölgəsi.
Ferto gölü Mərkəzi Avropadakı üçüncü ən böyük göldür və Avrasiyanın böyük kontinental duzlu göllərinin ən qərbdə yerləşənidir. Az su həcmi və hakim külək səbəbiylə gölün ölçüsü və forması tez-tez dəyişir. Gölün sahəsi təxminən 315 km², orta dərinliyi isə bir metrdir. Ferto gölünün sərhinin 88%-i qamışla örtülüb və buradan qayıqlar üçün xüsusi keçidlər açılmışdır.
Bölgə iri ağ vağ, kürən vağ, ərsindimdik və boz qaz kimi müxtəlif növ quşlara ev sahibliyi edir. Miqrasiya mövsümündə ərazidə tənbəlcüllütlər ailəsinin növlərinə də rast gəlinir. Nadir quşlara qırmızıdöş qaz, ağquyruq qartal və tarla belibağlısı daxildir. Göldə ilişgən, adi durnabalığı və qılıncbalıq kimi balıqlar yaşayır.
Xanşaq Ferto gölünün cənub-şərqində bataqlıq ərazidir. Ərazi torf gölləri və alçaq bataqlıqlar ilə xarakterizə edilir. Bölgə vaxtaşırı su ilə örtülür və çoxsaylı adacıqlar əmələ gətirir.
Xanşaqın flora və faunası olduqca müxtəlifdir və yüksək səviyyədə qorunub saxlanılır. Bölgənin meşələrində çox sayda su quşu, maral və qaban yaşayır.
Xanşaq bölgəsi boyunca bir neçə tədqiqat zolağı salınmışdır.
- ferto-hansag.hu — Rəsmi saytı (mac.)