Xülasə

“Naxçıvan Muxtar Respublikasına xidmətlərə görə” nişanının Əsasnaməsi

1. “Naxçıvan Muxtar Respublikasına xidmətlərə görə” nişanı aşağıdakılara görə verilir: dövlətçiliyin inkişafında xidmətə, peşəkarlığa və xüsusi nailiyyətlərə, vəzifə borcunun ləyaqətlə və vicdanla yerinə yetirilməsinə görə; dövlət quruculuğu işlərində xidmətlərə görə. 2. “Naxçıvan Muxtar Respublikasına xidmətlərə görə” nişanı Azərbaycan Respublikasının orden və medalları olduqda onlardan sonra taxılır. 3. “Naxçıvan Muxtar Respublikasına xidmətlərə görə” nişanı ilə təltif olunmuş şəxslərə nişan onun vəsiqəsi ilə birlikdə təqdim olunur.

“Naxçıvan Muxtar Respublikasına xidmətlərə görə” nişanının təsviri

“Naxçıvan Muxtar Respublikasına xidmətlərə görə” nişanı gümüşdən hazırlanmış, qızıl suyuna çəkilmişdir və diametri 35 mm, qalınlığı isə 2,5 mm-dir. Nişan səkkizguşəli ulduz şəklindədir. Nişanın ön tərəfində mərkəzdə dövlət gerbi təsvir edilmiş, çevrə boyunca “NAXÇIVAN MUXTAR RESPUBLİKASINA XİDMƏTLƏRƏ GÖRƏ” sözləri yazılmışdır. Yazı və təsvirlər qabarıqdır. Nişanın arxa tərəfi hamar səthlidir və bərkidilmək üçün müvafiq element vardır. Ortasında nişanın nömrəsi həkk olunmuşdur.

Lisenziya

	Azərbaycan Respublikasının 5 iyun 1996-cı il tarixli, 115-IQ №-li Qanununa görə bu məhsul Müəlliflik hüququ obyekti deyil; bu şəkil bütün dünyada İctimai varidat kimi qəbul olunur. Maddə 5. Müəlliflik hüququnun obyekti 3. Müəlliflik hüququ ilə qorunma öz-özlüyündə ideyalara, proseslərə, işləmə metodlarına və ya riyazi konsepsiyalara deyil, ifadə formasına şamil edilir. Maddə 7. Müəlliflik hüququ ilə qorunmayan obyektlər Aşağıdakılar müəlliflik hüququnun obyektləri deyildir a) rəsmi sənədlər (qanunlar, məhkəmə qərarları, qanunvericilik, inzibati və məhkəmə xarakterli digər mətnlər), həmçinin onların rəsmi tərcümələri; b) dövlət rəmzləri və nişanları (bayraqlar, gerblər, himnlər, ordenlər, pul nişanları, digər dövlət rəmzləri və nişanları); c) xalq yaradıcılığı (folklor) nümunələri; d) günün yenilikləri, müxtəlif hadisə və faktlar barədə informasiya xarakterli məlumatlar. Şərh: Azərbaycan Respublikası dövlətlərarası və beynəlxalq topluma görə, Azərbaycan Demokratik Respublikası və Azərbaycan Sovet Sosialist Respublikasının hüquqi varisidir, buna görə də bu lisenziya teqi həmçinin də ADR və Azərbaycan SSR-nin rəsmi nişanlarına və ya formal sənədlərinə əlavə edilə bilər. Diqqət: Bu lisenziya teqi müəllif hüquqları ilə qorunan rəsmi sənədlər, təklif olunan rəsmi simvollar və layihələrə tətbiq edilə bilməz.
azərbaycanca ∙ English ∙ македонски ∙ русский ∙ українська ∙ 中文 ∙