ACV-300 — həm zirehli döyüş maşını, həm də zirehli transportyor olaraq istifadə edilməsi məqsədilə Türkiyənin müdafiə sənayesi şirkəti olan FNSS tərəfindən hazırlanan tırtıllı zirehli döyüş maşını ailəsi. ACV adını Azərbaycan dilindəki “Zirehli Müharibə Maşını” (ZMM) sözünün ingilis dilindəki “Armored Combat Vehicle” qarşılığının qısaltmasından götürmüşdür. ACV-300, hazırlanarkən ABŞ istehsalı olan Təkmilləşdirilmiş Piyada Döyüş Maşını əsas götürülmüşdür. Texnika hal-hazırda Türkiyə, Malayziya və Birləşmiş Ərəb Əmirliklərinin silahlı qüvvələrində xidmət edir. Əməliyyat mənzili 490 km, maksimum sürəti 65 km/s təşkil edir.
| FNSS ACV-15 | |
|---|---|
 | |
| Tipi |
Zirehli döyüş maşını Zirehli transportyor |
| Ölkə | |
| İstismar tarixçəsi | |
| İstismara başlanması | 1992 |
| İstifadə edilən döyüşlər |
Türkiyə-PKK konflikti Fərat Qalxanı əməliyyatı |
| İstehsal tarixçəsi | |
| Konstruktor | FNSS |
| Xüsusiyyətləri | |
| Ağırlığı | 14 ton |
| Mühərrik | Detroit Diesel Model 6V-53T |
| Əsas silah | 25 mm-lik snayper qülləsi |
| Köməkçi silah | 7.62 mm-lik pulemyot |
| Uzunluğu | 5.26 m |
| Eni | 2.83 m |
| Hündürlüyü | 2.88 m |
| Ekipaj | 8+3 |
 Vikianbarda əlaqəli mediafayllar | |
Tarixi
FNSS şirkəti Quru Qoşunları Komandanlığının əməliyyat ehtiyaclarını ödəmək üçün AIFV texnikasını əsas götürərək ACV-300 modelini hazırlamışdır. İlk sınaq vasitəsi 1992-ci ildə hazırlanmışdır. Baza modeli olaraq götürülmüş AIFV texnikasının üstündə 25 mm-lik top və 7.62 mm-lik cütləşdirilmiş pulemyotla təchiz edilmiş bir adamlıq qüllə mövcuddur.
FNSS Müdafiə Sənayesi tərəfindən yeni nəsil istehsal olunan ACV-lərə magistral yolda hərəkət etməsini asanlaşdıran rezin təkərlər quraşdırılmışdır. Bu yolla, nəqliyyat vasitəsinin mənzili artırılmış və daha yüksək yüklənmə və yedəkləmə qabiliyyətinə nail olunmuşdur. Bu vasitə tamamilə amfibiya maşın ola bilər. Avtomobilin standart avadanlıqlarına gecə görmə sistemi, NBC (nüvə, bioloji və kimyəvi) mühafizə sistemi və tüstü qumbaraatanı daxildir.
Türk Ordusunun inventarında 2249 ədəd, Birləşmiş Ərəb Əmirliklərində 136 ədəd bu maşından mövcuddur. Malayziya Ordusu 2000-ci ildə fərqli modellərdə 211 ədəd ACV-300 sifariş vermiş və hamısı təslim edilmişdir.
FNSS və digər türk şirkəti olan DRB-Hicom Defence Technologies (Deftech) Malayziya üçün istehsal olunan AIFV avtomobilləri üçün əməkdaşlıq etmişdirlər. Malayziyaya məxsus ACV-300 avtomobillərinə Adnan ləqəbi verilmişdir. Bu ad İkinci Dünya Müharibəsi zamanı Sinqapur cəbhəsində vuruşan malayziyalı kapitan Adnan bin Saididən götürülmüşdür.
ACV-300 avtomobillərində müştərinin tələblərinə uyğun olaraq bir çox fərqli qüllə sistemi quraşdırıla bilər. Bundan əlavə, nəqliyyat vasitəsinin içərisindəki piyadaların xaricdəki hədəflərə atəş aça bilməsi üçün nəqliyyat vasitəsinin hər iki tərəfində kiçik döyüş pəncərələri də açıla bilər.
Adnan nəqliyyat vasitələrində RVH TacNav model GPS, LWD Avimo lazer xəbərdarlıq sistemi, Wegmann 76 mm qumbaraatan, NBC qorunma sistemi və SNVVS-2 model gecə görmə sistemləri mövcuddur.
Suriya Hərbi Hava Qüvvələrinə məxsus Mi-17 helikopteri Azad Suriya Ordusu və Türkiyə artilleriyasının dəstəyi ilə ACV-300 istifadə edərək İdlib regionunda vurulmuşdur.
İstifadə edən ölkələr
Türkiyənin əlində 2249 (1.698 + 551) ACV-300 mövcuddur. Bəziləri Suriya vətəndaş müharibəsi dövründə Hökumət qüvvələri ilə mübarizə üçün Azad Suriya Ordusu qüvvələrinə verilmişdir.
Suriya Ordusu İŞİD tərəfindən oğurlanan bir ACV-300 texnikasını ələ keçirmiş və hərbi inventarına əlavə etmişdir.
Birləşmiş Ərəb Əmirliklərində 136 ədəd ACV-300 var.
Filippin Ordusunun inventarında 6 ədəd ACV-300 var.
Malayziyanın əlindəki 211 ədəd ACV-300 avtomobili aşağıdakı kimi təchiz edilmişdir:
- 72 IFV modelinin üstündəki tək adamlıq qüllənin üzərində M2 Browning pulemyotu yerləşdirilmişdir
- 31 IFV-də FNSS və BAE System şirkətlərinin müştərək istehsal etdiyi 25 mm-lik M242 Bushmaster silahlı snayper qülləsi
- 25 xilasedici vasitə
- 24 komanda vasitəsi
- 13 simsiz ötürücü və rabitə vasitəsi
- 13 IFV-də tək adamlıq qüllədə Mk 19 qumbaraatanı
- 10 maşın 81 mm-lik minaatan
- 8 maşın Pakistanda hazırlanan Baktar Shikan antitank raketi
- 8 + 7 zirehli kəşfiyyat maşını
Bundan əlavə, Malayziya 48 ədəd ACV-300 və 8 ədəd ACV-S modellərindən sifariş vermişdir. Bu 8 nəqliyyat vasitəsində 120 mm-lik minaatan mövcuddur.