FİFA Puşkaş mükafatı — 2009-cu il 20 oktyabr tarixində FİFA tərəfindən yaradılmışdır. Təşkilatın keçmiş prezidenti Yozef Blatterin göstərişi ilə təsis edilmişdir.
Mükafat kişi və ya qadın futbolçu olmaqla ilin estetik olaraq önəmli və ya ən gözəl qoluna görə təqdim edilir. Mükafat 1950 və 1960-cı illərdə Real Madrid klubunun hücumçusu və dövrünün ən önəmli macar futbolçucu olmuş Ferents Puşkaşın şərəfinə təsis edilmişdir. Puşkaş böyük kütlə tərəfindən avropanın ən güclü hücumçusu kimi qəbul edilmişdir. Belə ki, o 84 rəsmi milli matçında 83 dəfə fərqlənməyə nail olmuşdur. O, 528 matça 512 dəfə fərqlənməklə iyirminci əsrdə avropanın ən çox qol vuran oyunçularından biri kimi ad qazanmışdır.
"Futbol tarixində öz oyunu ilə iz buraxan birinin adını qorumaq olduqca önəmlidir. Ferents Puşkaş yalnız bir çox mükafat qazanmış futbolçu kimi deyil həmçinin möhtəşəm insan kimi ad qazanmışdır. Bu səbəbdən FİFA bu mükafatı onun adına təsis etməklə böyük sevinc hissi duyur" fikirlərini Blatter Budapeşt şəhərində mükafatın inaqurasiya mərasimində səsləndirmişdir.
Mükafatın ilk təqdimatı 2008/2009 mövsümünün sonunda olmuşdur. Mükafat ilk dəfə 2009-cu il dünyanın ən yaxşı oyunçusu mükafatı üzrə İsveçrədə baş tutmuş qala gecəsində təqdim edildi. Qalib 21 dekabr tarixində elan edildi və mükafatın ilk sahibi portuqaliyalı Kriştiano Ronaldo olmuşdur.
Mündəricat
Meyarlar
Bu gözəl bir qol olmalıdır (buraya uzun məsafədən vurulan, fərdi və ya komanda oyun ilə vurulan, qayçı zərbəsi kimi vurulan qollar daxildir.)
Mükafat heç bir daxili çempionat, cins və milli ayrı-seçkilik edilmədən təqdim edilməlidir.
Burada təsadüfən, rəqib oyunçunun səhvi üzündən və ya hər hansı oyunçunun ofsayd vəziyyətində ikən vurulan qol qeydə alınmır.
Daha öncə oyunçu hər hansı mənfi davranışı ilə gündəmə gəlməməli və dopinq testindən uğursuz keçmiş olmamalıdır.
Növbəti siyahıda 2012-ci ilin qalib və namizədləri qeyd edilmişdir. 2013-cü ilin Dekabr ayının 9-dan FİFA.com saytı vasitəsi ilə seçilmiş namizədlərə onlayn olaraq səs vermək mümkündür.