Komanda iki yarış qrupunun, Walter Brun'a məxsus Euroracing team və Giampaolo Pavanello'a məxsus Brun Motorsport'un birləşməsi nəticəsində yaranıb. Komanda sportprototiplerden sonra, Formula 1 –də iştirak etmək qərarına gəldi. Sponsorluq Alman içki şirkəti olan Mast-Jägermeister tərəfindən olundu. Daha sonra , Walter Brun Reynard Motorsport şirkəti ilə iş birliyinə son qoyur. EuroBrun adlı yeni layihə 1987-ci ilin sentyabr ayında qeydə alınmışdır: tərəfdaşlardan hər bir komanda 50% -ə sahib idi. Komandanın bazası Milanda yerləşdirilmişdi.

İlk sezon debütü Mario Tolentinonun başçılığı ilə, Şassi ER188 ilə baş tutdu. Sükan arxasında, Formula 3000 qalibi olan, İtaliyalı Stefano Modena və komanda rəhbərinin keçmiş tanışı Oscar Larrauri idi. Sezona çox inamlı bir başlanğıc olsa da, sonradan maliyyə problemləri yarandı. İştirakçılardan heç biri xal qazana bilmədi. Yalnız ən yaxşı halda, Modena, Macarıstan Qran pridə 11-ci yeri tutdu.

1989-cu ildə maliyyə problemləri ilə bağlı komandada bir çox işçilər işdən çıxarıldı. Nəticədə, EvroBrun yalnız bir avtomobil və isveçrəli Gregor Foiteklə yarışa qatıldı. Bu dəfə daha müasir versiya olan ER188 istifadə olundu. Yalnız sonradan ER 189 təqdim olunsa belə nəticə dəyişmədi və çıxışlar uğursuz oldu.

1990-cı ildə yarışa iki avtomobil çıxarıldı. Yarışçı Claudio Langes bütün mövsüm heç bir nəticə əldə edə bilmədi. 14 mərhələdən sonra komanda çempionatdan uzaqlaşdırıldı.

• 2016-07-02 at the Wayback Machine