Eva Yanilovski 23 aprel 1926-cı ildə Seqed şəhərində anadan olmuşdur. 1944-cü ildən 1948-ci ilə qədər fəlsəfə, 1948-ci ildən 1950-ci ilə qədər Budapeştdə Eötvöş Lorand Universitetində fəlsəfə, psixologiya və siyasi iqtisadiyyat üzrə təhsil almışdır. 1950-ci ildə pedaqoq diplomunu almışdır. 1950-ci ildən 1953-cü ilə qədər Eva Təhsil Nazirliyində dərsliklər bölməsində referent işləmişdir. Eva dörd il ərzində gənclər kitab nəşriyyatında (Ifjúsági Könyvkiadó) redaktor kimi çalışmışdır. Sonra Eva Mor Ferensinin nəşriyyatının baş redaktoru olmuşdur. Evanın birinci kitabı olan Csip-Csup 1957-ci ildə nəşr olunmuşdur. Onun əsərlərinin mövzusu əksər hallarda uşaqların münasibətlərinə aiddir və gündəlik həyəcanların və münaqişələrin fonunda böyüklərin münasibətidir. Bundan başqa, o filmlərə ssenariləri yazır, jurnallarda işləyir,radio və televiziya verilişlərində çıxış edirdi. Onun kitablarından bəziləri əsasında animasiya və televiziya filmləri çəkilmişdir. Yanikovskinin çox kitabları Laslo Reber (1920 — 2001) qrafikiylə təsvir edilmişdir.

Eva Yanikovski 14 iyul 2003-cü ildə vəfat etmişdir. Budapeştdə Farkaşreti qəbiristanlığında dəfn edilmişdir.

1952-ci ildə o, həkim Bel Yanikovski ilə ailə həyatı qurmuşdur. 1955-ci ildə onların Yanoş adlı oğulları dünyaya gəlmişdir.

Yanikovski yazdığı əsərlərinə görə uşaq ədəbiyyatı sahəsində Almaniya mükafatı olan Koşuta adına mükafata layiq görülmüşdür. Erjebetvaroşanın (Budapeşt rayonu) fəxri vətəndaşıdır. 2003-cü ildə onun şərəfinə Budapeştdə məktəb adlandırılmışdır. 2004-cü ildə Eva Yanikovski fondu təsis edilmişdir.

•  (mac.)