Filmin işsiz qəhrəmanı (Rasim Cəfərov) Novruz bayramı ərəfəsində dostundan satmaq üçün 1000 ədəd səməni sifarişi alır. Qəhrəman sifarişi öz evində yerinə yetirir və xanım qəhrəmanla () sevgi münasibətləri inkişaf etdikcə buğdalar da cücərməyə başlayır. Köhnə ata evi birdən-birə səmənilərlə dolu məkana çevrilir. Oğlanla qızın münasibətləri də bu səmənilərin fonunda inkişaf edir.

Film yeni və köhnə dəyərlərin, idealist və praqmatik təfəkkürün ziddiyyətlərindən bəhs edir. Göydələnlərin mühasirəsinə düşmüş yeganə köhnə evin sahibi — filmin qəhrəmanı dilemma qarşısında qalıb. O, ya öz evini satmalıdır, ya da ata evini qoruyaraq ehtiyac içində yaşamalıdır. Filmdə ev bazar dəyərlərinə müxalif olan bəşəri-mənəvi dəyərlərin simvolu kimi götürülüb.

1)2007-ci ildə Romada (İtaliya) Aziatika Film Mediale Festivalı

• Filmə tamaşaçı simpatiyası Mükafatı verilmişdir.

2)2007-ci ildə Bakıda Beynəlxalq Audiovizual Festival

• Əli İsa Cabbarov ən yaxşı prodüser seçilmişdir.

3)2008-ci ildə Gibarada (Kuba) "İnterneyşnl Festival del Sine Pobre"

• Kinolentə ən yaxşı qısametrajlı film Mükafatı verilmişdir.
• Filmə "Qəddar münasibəti insan hekayəsinə çevirmək bacarığı" Mükafatı verilmişdir.

Filmin layihəsi 2006-cı ildə "Yeni əsr. Yeni Gənclər. Yeni baxış" layihə müsabiqəsinin 3 qalibindən biri olmuşdur.

Çəkilişlər Bakıda aparılıb, 11 günə yekunlaşmışdır.

Filmin texniki təchizatı Butafilm kinoşirkətinə aiddir.

Film fransız telekanalı "Kanal+" tərəfindən alınıb və sözügedən kanalda iki il yayımlanacaq.

Dövlət filmə 30 min manat pul ayırmışdır.

Quruluşçu rejissor: Asif Rüstəmov

Ssenari müəllifi: Ramiz Fətəliyev, Asif Rüstəmov

Quruluşçu operator: Adil Abbas

Quruluşçu rəssam: Rafiq Nəsirov, Rafiz İsmayılov

Geyim rəssamı: Şahin Həsənli (rəssam)

Bəstəkar: Xəyyam Mirzəzadə

Prodüser: Əli İsa Cabbarov, Aynur Mustafayeva

Rejissor: Çingiz Həsənov

Rasim Cəfərov

• "Bu meydan, bu ekran-2008". //"Cinema News" jurnalı.- 2008.- iyun.- səh. 27.