İT konsaltinq və layihənin idarə edilməsi sahəsində ixtisaslaşmış telekommunikasiya şirkətidir. Şirkətin intellektual bünövrəsini dünya miqyaslı istehsalçılar tərəfindən sertifikatlaşdırılmış 200-dən çox mühəndis və sistem memarları təşkil edir. Şirkət bir çox aparıcı vendorun, o cümlədən, Cisco, Microsoft, Siemens AG, AMP Netconnect, Ecom, HP və digərləri tərəfindən yüksək səviyyəli səlahiyyətlər əldə edib. Şirkətin təqdim etdiyi həll və xidmətlər spektri özündə korporativ şəbəkə infrastrukturunun, videokonfrans rabitəsinin, habelə əlaqə-çağrı mərkəzlərinin yaradılmasını, informasiya təhlükəsizliyinin təmin olunmasını, məlumatları emal etmə və saxlama xidmətlərini, binaların kompleks mühəndis infrastrukturasının quraşdırılmasını, habelə konsaltinq, audit və IT autsorsinq daxil olmaqla, informasiya sistemlərinin texniki dəstəyini, müşayiət olunmasını və baxımını ehtiva edir.

2015-ci ilin nəticələrinə görə Eurodesign şirkəti Cisco-nun Mərkəzi Avropa və EMEAR Emerging regionunda “İnnovativ həllər üzrə ilin ən yaxşı tərəfdaş” (Solution Innovation Partner of the Year) adına layiq görülüb.