Erzyanca Vikipediya (erz. Эрзянь Википедия) — Vikipediyanın Erzyan dilində olan bölməsidir. 23 noyabr 2024 — Erzyan dilində olan Vikipediyada 5101 məqalə var. 2008-cü ilin 26 mayından myv.wikipedia.org ünvanında Erzyanca dilində Vikipediya fəaliyyətə başlamışdır (əvvəl inkubatorda olmuşdur).

Erzyanca Vikipediya
URL
Layihənin mahiyyəti	qeyri-kommersiya təşkilatı
Saytın tipi	onlayn ensiklopediya
Qeydiyyat	məcburi deyil
Dil	Erzyan dili
Sahibi	Vikimedia Fondu
Yaradılma tarixi	26 may 2008
Məqalələrin sayı	7.868 (188-ci yer)
Faylların sayı	yoxdur
Səhifələrin sayı	30.621
Redaktələrin sayı	151.315
İstifadəçilərin sayı	13.719
Aktiv istifadəçilərin sayı	24
İnzibatçıların sayı	4
Dərinlik	41,3
Vikianbarda əlaqəli mediafayllar

Layihənin təşəbbüsünü 2007-ci ilin iyul ayında Vikipediyanın Rus bölməsinin Moskvada yaşayan iştirakçısı Andrey Surikov irəli sürmüşdür. Təşəbbüs qrupuna həmçinin Finlandiyada Erzyan dilindən tədris edən dilçi Cek Pyuter, Sankt-Peterburqdan olan jurnalist Andrey Petrov (Petryan Andryu) və Ulyanovdan olan mühəndis-proqramçı Mixail Stepçenko daxil idi.

19 fevral tarixində Vikipediyanın dil komitəsi «Erzyanca Vikipediyanı» uğurlu layihə elan edərək, onun hazırlığını və müəyyən edilmiş tələblərə uyğunluğunu təsdiqləyirlər. Bundan sonra mütəxəssislər 4 ay ərzində inkubatordan məlumatların ötürülməsi üçün bir platforma hazırladılar, məqalələrin həqiqiliyini təsdiq etdilər.

Erzyanca Vikipediyanın ilk yarım il ərzində idarəçiləri Andrey Surikov, Petryan Andryu və Cek Pyuter seçilmişdir.

16 may 2015-ci ildə Erzyanca Vikipediyada artıq 2 mindən çox məqalə yazılmışdı.

11 oktyabr 2017-ci il məlumatına görə vikipediyanın bu dil bölməsində 4000 məqalə vardı. Erzyanca Vikipediyanın fəal üzvü olan İli Vcyoravnovun sözlərinə görə: «Vikpediyanın bu dil bölməsində insan resurslarının çatışmamazlığı hiss olunur. Bölmə tam mənası ilə bir neçə insanın daimi işinə əsasında ayaqda durur. Misal olaraq Veps dilində danışanların sayının az olmasına baxmayaraq Erzyanca Vikipediyadan təxminən iki dəfədən çox məqalə sayına sahibdirlər. Bunun səbəblərini mühakimə etmək çətindir, amma görünür ki Erzyanlar bu gün internet layihələrinə dəstək verməkdə birləşməmişlər.