Qala XII-ci əsrin sonlarında yaradılmışdır. Eql baronları haqqında məlumat ilk dəfə 1179-cu ildə xatırlanır.

Qala Rona çayını keçərək Kol du Pillon və Kol des Mossesdən keçən yolda yerləşir.

XIII-cü əsrin ikinci yarısında Eql genişləndi və şəhər statusu aldı. Tədricən genişlənən qala daha da möhkəmləndi.

1475-ci ildə İsveçrə İttifaqı ilə Burqundiya arasındakı münaqişə zamanı Eql şəhəri Bernin tabeçiliyinə keçdi.

1483-cü ildə Bern Respublikası Qalanı öz tərkibində ilk fransızdilli bölgənin inzibati mərkəzinə çevrildi. Qalada Berndən təyin edilmiş Qubernatorun qərargahı yerləşirdi. Bern nümayəndələri 1798-ci il Helvet İnqilabına qədər burada məskunlaşırdı. Bu zamanlar həm müdafiə, həm də yaşayış yerlərinin genişləndirilməsində irəliləyiş baş verir.

1528-ci ildə Eql fransızdilli İsveçrədə Reformasiya yolunu tutan ilk şəhər oldu.

1798-ci ilin inqilabı zamanı Vo kantonu və Eql şəhəri Berndən ayrılaraq müstəqil oldular.

1804-cü ildə qala Eql şəhərinin mülkiyyətinə keçdi.

1810-cu ildən 1815-ci ilə qədər bütün Helvetik Respublikası ilə birlikdə Fransa İmperiyasına birləşdirildi. 1832-ci ilə qədər həm xəstəxana, həm də məhkəmə kimi fəaliyyət göstərmişdir.

XX-ci əsrin əvvəlləri qədim qalanın tarixi dəyəri getdikcə daha aydın görünür.

1971-ci ildən Qalanı qorumaq və tarixini daha yaxşı başa düşmək üçün bərpa işləri aparılmışdır. Bir neçə bərpa layihələri onun vəziyyətini nəzərəçarpacaq dərəcədə yaxşılaşdırdı.

1975-ci ildə Eql Qalasında muzey açıldı.

2009-cu ildən burada rəssamların əsərlərindən ibarət sərgilər keçirilir.

Qala və muzey İsveçrənin Milli Tarixi İrs Abidələri siyahısına daxildir.

• İsveçrə