Eqeskov qəsri (dan. Egeskov Slot) — Danimarkanın Fin adasının cənubunda yerləşən qəsr. Qəsr Avropa intibah dövrünün ən gözəl abidəsidir. Qəsr 1554-cü ildə Frands Brakenhaus tərəfindən inşa edildi. Danimarka xalqının XVI əsrdə qaldırdığı müharibə üzündən bir çox əsilzadə evlərini qalaya çevirmişdilər Qəsr maksimum dərinliyi 5 metr olan gölün yaxınlığında tikilmişdir və qəsrə yeganə giriş körpüdəndir. Deyilənlərə görə qəsri tikmək üçün xeyli palıd ağacından istifadə etmişdilər. "Egeskov" "Palıd meşəsi" deməkdir.
| Eqeskov qəsri | |
|---|---|
| Egeskov Slot | |
 | |
| 55°10′35″ şm. e. 10°29′22″ ş. u. | |
| Ölkə |
 Danimarka
|
| Yerləşir | Fin adası |
| Tikilmə tarixi | 1554 |
| Üslubu | İntibah memarlığı |
| Sahəsi | 1,131 ha |
| Rəsmi sayt | |
|
|
|
 Vikianbarda əlaqəli mediafayllar | |
Memarlıq
Qəsr bir-biri ilə bağlı olan iki tikilidən ibarətdir. Bu isə qəsri qoruyanlar üçün üstünlük idi. Bu cüt divarların qalınlığı 1 metr olub gizli nərdivanı və quyusu vardır. Qəsri müdafiə edənlər qalanın qıraqlarında olan qüllələrdən düşmən cinahlarına hücum edə bilərlər. Qəsrdə qaynar su atma yarıqları, ox atma yarıqları, top atma yerləri var.
Qəsrin içindəkilər
Qəsrin içində müxtəlif rəsm əsərlər yerləşir. Qəsrin birinci mərtəbəsindəki böyük salonda 1677-ci ildə Koqe körfəzindəki döyüşdə Nils Jülenin İsveç qüvvələrinin məğlubiyyətini əks etdirən rəsmini görmək mümkündür.
Bağça və ərazi
Qəsrin ətrafında geniş ərazi var. 200.000 m²-lik sahəni əhatə edən bu ərazi bir neçə parka ayrılır. Bu parklarda intibah dövrü bağçaları, müxtəlif fiqurlara salınmış bitkilər, fəvvarələr yerləşir Qəsrin Fuçisiya çiçəkli bitki cinsinə ev sahibliyi edən bağı Avropada bu cür bağlar arasında ən böyüyü sayılır. 1538 növ burada saxlanılır
Digər bağçalar qəsrin yanındadır. Bunlar İngilis bağçası, su bağçası, ot bağçası, meyvə-tərəvəz bağçası və s.dir.Burada həm də dünyanın ən böyük bambuk labirinti yerləşir.
Sərgilənənlər
Eqeskov qəsrində bu kolleksiyalar sərgilənməkdədir:
- Klassik avtomobillər kolleksiyası
- Klassik motosikletlər kolleksiyası
- Əkinçilik tarixini əks etdirən əşyalar kolleksiyası
- Uçan aparatlar kolleksiyası
- Fövqaladə hal üçün nəzərdə tutulmuş nəqliyyatlar kolleksiyası
Faktlar
| № | ||
|---|---|---|
| 1 | Sahəsi | 1,131 ha |
| 2 | Parklarla birlikdə sahəsi | 20 ha |
| 3 | Otaq sayı | 66 |
| 4 | Pəncərə sayı | 200 |
| 5 | Hamam otaqlarının sayı | 6 |
| 6 | Labirint sayı | 4 |
| 7 | Çəpərlərin yaşı | 270 il |
| 8 | Qapı sayı | 171 |
| 9 | Çəpərlərin maks. hündürlüyü | 8 m |
| 10 | Fuçsiya cinsindən olan növlərin sayı | 1538 |
| 11 | Qəsr işçilərinin sayı | 120 |
| 12 | Muzey sahəsi | 8000 m2 |
Qalereya
Mənbə
- "Funen"Encyclopedia Britanica,2006 Encyclopedia Britannica service,30 July 2006
- Verner Rasmussen, Egeskov,prepared for the Egeskov Estate,2003reprinting.
- C.M.Hogan, Design of Egeskov Castle,Lumina Techologies,Santa Rosa July 22 ,2005