Emil Edde
Emil Edde (ərəb. إميل أده; 5 may 1883[2], Dəməşq – 27 sentyabr 1949[3][2]) — Livanlı maruni siyasətçi. Livanın baş naziri və prezidenti olmuşdur.
| Emil Edde | |
|---|---|
| ərəb. إميل أده | |
 | |
Livan prezidenti | |
| Şəxsi məlumatlar | |
| Doğum tarixi | |
| Doğum yeri | Dəməşq, Suriya |
| Vəfat tarixi | (66 yaşında) |
| Təhsili | |
| İxtisası | Hüquq |
| Fəaliyyəti | siyasətçi, vəkil |
| Uşaqları | 3 |
| Dini | xristianlıq |
 Vikianbarda əlaqəli mediafayllar | |
Emil Edde 1883-cü (bəzi mənbələrə görə 1886-cı) ildə Dəməşqdə dünyaya gəlmişdir. Babası və atası Fransa konsulluğunda tərcüməçi işləyirdilər. Orta təhsilini Beyrutdakı yezuitlər məktəbində almış, 1902-1909-cu illərdə Eks-an-Provansda yaşamışdır. Atasının səhhəti ilə əlaqədar Beyruta qayıtmalı olmuş və orada vəkil kimi çalışmışdır. 1913-cü ildə Raymon, 1917-ci ildə Andre, 1921-ci ildə Pyer adlı oğulları dünyaya gəlmişdir.
Birinci Dünya Müharibəsi zamanı Misir cəbhəsində vuruşmuş Emil Edde Fransa ordusunun suriyalı və livanlı könüllülərdən ibarət Şərqi Legionunun (Légion d’Orient) yaradıcılarından biri olmuşdur. Sözügedən legion Livan hərbi qüvvələrinin təməli sayılır.
11 oktyabr 1929-cu ildə 25 mart 1930-cu ilə qədər Edde Livanın baş naziri vəzifəsində çalışmışdır.
1936-cı ildə Edde Milli blok adlı siyasi partiya yaradaraq ona rəhbərlik etməyə başladı. Elə həmin il Livan prezidenti oldu. 1941-ci ildə Vişi hökumətinin siyasətinə etiraz olaraq istefa etdi.
1943-ci ildə Livanın müstəqillik qazanmasından sonra 11 gün ərzində (11-22 noyabr) yenidən prezident vəzifəsini icra etmişdir.
- ↑ 1 2 Hallak H. موقع يا بيروت: آل إدِّه.
- ↑ 1 2 Emile Eddé // Roglo. 1997.
- ↑ Bibliothèque nationale de France Émile Eddé // BnF identifikatoru (fr.): açıq məlumat platforması. 2011.