Umudlu Elmir Pərviz oğlu 25 mart 2001-ci ildə Şəki rayonunun İnçə kəndində anadan olub. 2007-ci ildə kənd tam orta məktəbinin 1-ci sinfinə gedib. 1-ci sinfi bitirdikdən sonra yenidən valideynlərinin yaşadığı Bakı şəhərinə qayıdıb və VIII sinfə qədər orada təhsil alıb. Orta təhsilinin davamını yenidən Şəki rayonu İnçə-Zunud kənd tam orta məktəbində oxuyub. 2018-ci ildə İnçə-Zunud kənd tam orta məktəbini əla qiymətlərlə bitirib və həmin il də Sumqayıt Dövlət Universitetinin nəzdində olan Sumqayıt Dövlət Texniki Kollecində qəbul olub.

2019-cu ilin aprel ayında «N» saylı hərbi hissəsində həqiqi hərbi xidmətə başlayıb. Əsgəri xidmətini başa vurmağa 3 ay qalmış – 27 sentyabr 2020-ci ildə başlayan İkinci Qarabağ müharibəsi zamanı xidmət etdiyi hərbi hissənin tərkibində döyüşlərə qatılıb.

İkinci Qarabağ müharibəsində

O, Cəbrayıl şəhərinin alınması uğrunda gedən döyüşlərdə xüsusi fərqlənib. Sonra Füzuli rayonunun azadlığı uğrunda gedən döyüşlərin iştirakçısı olub. Həmin döyüşlərdə yaralanmasına baxmayaraq, Cəbrayılın azad olunması uğrunda gedən döyüşlərdə yaralı vəziyyətdə mühasirəyə düşmüş taboru təkbaşına mühasirədən çıxarmışdır. Yenidən Xocavənd rayonunda gedən döyüşlərə qatılıb. 27 oktyabr 2020-ci ildə isə Xocavənd rayonunda gedən şiddətli döyüşlərin birində şəhidlik zirvəsinə ucalıb. Elmir Umudlu oktyabr ayının 31-də ata-baba yurdu olan Şəki rayonunun Zunud kənd qəbiristanlığında dəfn olunub.

• 05.11.2022-3-cü dərəcəli “Vətənə xidmətə görə” ordeni (ölümündən sonra)
•   (15.12.2020) — "Vətən uğrunda" medalı (ölümündən sonra)
•   (25.12.2020) — "Füzulinin azad olunmasına görə" medalı (ölümündən sonra)
• (24.06.2021) "Xocavəndin azad olunmasına görə" medalı
• (24.06.2021) "Cəsur döyüşçü" medalı
• "İgidliyə görə" medalı
• "Cəbrayılın azad olunmasına görə" medalı

• ().