Elektrenay su anbarı — Litvanın Elektrenay şəhərinin cənubunda, Elektren bələdiyyəsindəki su anbarı. Kaunas su anbarı ilə birləşməsindən 40,8 km aralıda (Nemunas çayının qolu) Streva çayında bəndin yaradılması nəticəsində qurulmuşdur. 2000-ci ildə anbarın sahilində gücü 150 kVt olan "Elektrenay" kiçik su-elektrik stansiyası tikilmişdir.
| Elektrenay su anbarı | |
 | |
| Ölkə |  Litva |
| Tikilmə tarixi | 1.976 |
| Uzunluğu | 11 m |
| Eni | 3,1 m |
| Sahəsi | 12,4 m² |
| Tökülən çaylar | Streva |
| Axan çaylar | Streva |
| Litvanın fiziki xəritəsində Elektrenay su anbarı | |
Coğrafiya
Elektrenay su anbarının sahəsi 1240 hektardı (digər mənbələrə görə — 1389 ha). Uzunluğu şimaldan cənuba 11 km, qərbdən şərqə 3,1 km-dir. Maksimum dərinliyi 30 metrdən artıqdır (ən dərin yeri keçmiş Yaqudis gölündədir). Su anbarının şimal hissəsi göl, cənub hissəsi çay mənşəlidir. Şərq və şimal sahilləri sıldırım və hündür, qərb və cənub sahilləri isə zərif maili, yerlərdə bataqlıqdır. Sahilləri daha çox qum və çınqıllardan ibarətdir, dibi müxtəlif növ gillə örtülüdür. Ümumilikdə Elektrenay su anbarında ümumi sahəsi 50,5 hektar olan 18 ada var.
Göldə çoxlu sayda su quşu yuva qurur.
Elektrenay su anbarının yaxınlığında səkkiz yaşayış məntəqəsi var: Elektrenay, Stançikay, Qeibonis, Şarkine, Peliunay, Karkuçiay, Pastrevis və Senosios-Kietavişkes.
Tarix
ElektrenaY su anbarı 1961-ci ildə (digər mənbələrə görə — 1961–1962-ci illərdə) Streva çayı bağlandıqdan sonra istilik elektrik stansiyasının tikintisi üçün qurulmuşdur. Su anbarının yerində 8 göl var idi. Perkunkiemis, Anikşyas, Lekaviçiay, Sarkines və Raistine kəndləri su altında qalmışdır. Bu kəndlərdən 140-dan çox təsərrüfat Elektrenaya köçürülmüşdür.
İstinadlar
- Povilaitis A., Taminskas J., Gulbinas Z., Linkevičienė R., Pileckas M. Lietuvos šlapynės ir jų vandensauginė reikšmė. Monografija (лит.). — Vilnius: Apyaušris, 2011. — С. 79. — 368 с
- M. Dapkienė, R. Kustienė. Vandens išteklių naudojimas: mokomoji knyga (лит.). — Kaunas: Ardiva, 2008. — С. 32. — 91 с
- A. Balevičius, E. Bukelskis, A. Ciūnys, V. Stanevičius. Aplinkosaugos sąlygų plaukioti plaukiojimo priemonėmis vandens telkiniuose įvertinimas ir aplinkosauginių kriterijų parengimas. — Vilnius: UAB "Senasis ežerėlis", 2012. — С. 76–79. — 105 с.
Mənbə
- . www.x-diver.lt. 2014-12-21 tarixində . İstifadə tarixi: 2014-12-21.
- . www.elektrenai.lt. İstifadə tarixi: 2022-05-25.