Uzunluğu 2–3 mm, döşünün quruluşuna görə -yə yaxındır, belə ki, aksillər bir qədər irəli çıxır. Qabaq baldırlarında mahmızlar düz və gödəkdir. Arxa çanaqları adətən xeyli enlənmiş və uzanmışdır. Pəncələri 4-5 buğumludur. Qabaq qanadın marginal damarı, bir qayda olaraq, çox uzundur. Ortakürək qalxanının parapsidal şırımları adətən yalnız qabaqdan azacıq ifadə olunmuşdur. Qarıncığının çox qısa saplağı var. Bədəni qaradır. Bığcıqları adətən şaxəlidir.

Elasmus cinsinin növləri Elasmus (E.albipennis Thomson, E.elongatus Ferriere) güvələrin bir çox növlərinin, o sıradan əməköməci güvəsinin, Euryschia inopinata Masi isə gümüşü milçəklərin parazitidir.

Dünya faunasında 100-dən artıq, Avropada 12, MDB-nin Avropa hissəsində 7, Azərbaycanda 4 növü məlumdur (Rzayeva, 1971; Tryapisın, 1978). Fəsilənin nümayəndələri Azərbaycanın bütün şaquli qurşaqlarında və təbii vilayətlərində aşkar edilmişdir.

• Azərbaycanın heyvanlar aləmi, Buğumayaqlılar, Bakı: Elm, -2004, -388 səh.

^{[ölü keçid]}