Taleyinə el yükünü çəkmək qisməti düşən hər kəsin həyatı uşaqlıqdan qəribəliklərlə dolu olur. O, El üçün yaşadı. Xeyirxahlıq, səxavət və cəsarət simvoluna çevrildi. Əməlləri ona əbədilik, müdriklik və ağsaqqallıq bəxş etdi. O, görkəmli alim kimi keçmiş SSRİ-nin böyük elm xadimlərinin yaddaşında iz buraxdı, vətənini ləyaqətlə təmsil etdi. Haqsızlığa, ədalətsizliyə qarşı sərt, azadfikirliliyə görə uca, sadə xalqla sakit və şəffaf münasibəti onu El adamına çevirdi. Kənd təsərrüfatı elmləri doktoru, professor Əyyub İskəndərov haqqında çəkilmiş "El adamı. Əyyub İskəndərov" adlı sənədli televiziya filmi bu ali şəxsiyyətin hamıya nümunə ola biləcək fəaliyyətindən bəhs edir.

Film Lənkəran, Lerik, Neftçala rayonlarında və Bakı, Gəncə, Moskva şəhərlərində lentə alınıb. Professor Əyyub İsgəndərovun əhatəli fəaliyyəti onu həm elm sahəsində, həm də cəmiyyətdə nüfuzlu şəxsiyyətə çevirib. Filmin demək olar ki, bütün epizodları əməli xeyirxahlıqla yoğrulmuş bir insanın böyüklüyü barədə sanki əfsanə danışır.

Filmin üzərində işləyənlər

Ssenari müəllifi: Eldar İsgəndərzadə

Rejissor: Vasif Məmmədzadə

Operator: Mahir Cahangirov

Səs rejissoru: Ceyhun Ağayev

Səs operatoru:

Filmi səsləndirdi: Ədalət Məmmədov

Redaktor: Vüqar Tapdıqlı

Filmin direktoru: Valeh Həsənli

• Çimnaz İskəndərova — həyat yoldaşı
• Şeyxülislam Hacı Allahşükür Paşazadə — Bütün Qafqazın Şeyxi
• Vaqif Səmədoğlu — xalq şairi
• Ömər Eldarov — xalq rəssamı
• Lev Ernst — Rusiya Kənd Təsərrüfat Akademiyasının vitse-prezidenti
• Viktor Kabanov — Rusiya EA-nın müxbir üzvü
• Canəli Əkbərov — xalq artisti
• Eyyub Bəşirov — akademik
• Əfqan Əsgərov — yazıçı
• Ağakərim Əliyev — professor
• Xanoğlan Orucov — təsərrüfatçı
• Mirəhməd İskəndərov — qardaşı
• Elşad İskəndərov — oğlu

Bədii səhnələrdə

• Vüqar İskəndərov
• Tariyel Əliyev
• Tahir Əliyev
• Əyyub İskəndərli — nəvəsi