Elşad Ərşadoğlu (Elşad Ərşad oğlu Əliyev; 29 iyul 1986, Yağlıvənd, Füzuli rayonu) — Azərbaycan ssenaristi, rejissor, kino redaktoru və şair. Azərbaycan Yazıçılar Birliyi İdarə Heyətinin üzvü.
| Elşad Ərşadoğlu | |
|---|---|
| Elşad Ərşad oğlu Əliyev | |
 | |
| Digər adı | ELsevƏR |
| Doğum tarixi | |
| Doğum yeri |
Yağlıvənd, Füzuli rayonu, .svg){kind=small} Azərbaycan SSR
|
| Fəaliyyəti |
rejissor şair filoloq |
| Fəaliyyət illəri | 1998-ci ildən |
| İstiqamət |
kino ədəbiyyat |
| Mükafatları |
|
Həyatı
Elşad Ərşadoğlu 29 iyul 1986-cı ildə Füzuli rayonunun Yağlıvənd kəndində anadan olub. Orta məktəbi 1993-cü ildən məcburi köçkün kimi məskunlaşdığı İsmayıllı rayonunun Quşencə (Zoğallıq) kəndində bitirib. Bakı Dövlət Universitetinin filologiya fakültəsində 2004–2008-ci illərdə bakalavr, 2009–2011-ci illərdə magistr təhsili alıb. 2008–2009-cu illərdə həqiqi hərbi xidmətdə olub.
1998-ci ildə bədii yaradıcılığa başlamış, 2002-ci ildə "İnam yolu" qəzetində ilk şeiri çap olunduğu vaxtdan "Azərbaycan", "Ulduz" jurnallarında, "Ədəbiyyat", "525-ci qəzet", "Ədalət" və digər qəzet, jurnal və almanaxlarda, ədəbiyyat internet portallarında şeirləri ilə müntəzəm şəkildə çıxış edir. Şeirləri italyan, rus, özbək dillərinə və Türkiyə türkcəsinə tərcümə olunaraq İtaliyada, Rusiyada, Özbəkistanda və Türkiyədə çap olunub.
Bədii yaradıcılıqla yanaşı elmi fəaliyyətlə də məşğul olmuş, Nizami Gəncəvi, Məhəmməd Füzuli, Mirzə Fətəli Axundzadə, Hüseyn Cavid kimi klassiklərin yaradıcılığı haqqında yazdığı məqalələri müxtəlif elmi jurnallarda nəşr olunmuşdur.
2008–2010-cu illərdə M. F. Axundzadə adına Azərbaycan Milli Kitabxanasında fəaliyyət göstərmiş, Mədəniyyət və Turizm Nazirliyi ilə Azərbaycan Yazıçılar Birliyi tərəfindən yaradılan Gənc Ədiblər Məktəbinin məzunu olunmuşdur.
2014-cü ildən eyni zamanda kino yaradıcılığı ilə də məşğuldur, 9 bədii, sənədli və animasiya filmində, "Mozalan" kinojurnalının 4 nömrəsində redaktor, ssenari müəllifi və rejissor kimi fəaliyyət göstərib.
Ssenari müəllifi və quruluşçu rejissoru olduğu "Açar" qısametrajlı bədii filmi "Oskar" və BAFTA təsnifatlı nüfuzlu beynəlxalq kino festivallarında, o cümlədən Niderland, Böyük Britaniya, Fransa, İtaliya, Bolqarıstan, İsveç, Rumıniya, Şimali Makedoniya, Türkiyə, Hindistan kimi ölkələrdə keçirilən 20-dən artıq festivalda iştirak edərək, müxtəlif mükafatlara layiq görülüb. Filmin beynəlxalq yayım hüquqları ABŞ-nin qısametrajlı filmlərin yayımı üzrə ixtisaslaşmış dünyaca məşhur "7 Palms Entertainment" şirkəti tərəfindən alınıb.
2009-cu ildən Azərbaycan Yazıçılar Birliyinin üzvü, 2014-cü ildən isə Birliyin İdarə Heyətinin üzvüdür. 2014–2019-cu illərdə Azərbaycan Yazıçılar Birliyi Gənclər Şurasının sədri olmuşdur. 2012-ci ildən Mədəniyyət Nazirliyində çalışır.
Mükafatları
- 2011 — Azərbaycan Respublikası Prezidentinin təqaüdü
- 2013 — Gənclər və İdman Nazirliyinin "Gənclər Mükafatı" (ədəbiyyat sahəsindəki xidmətlərinə görə)
- 2023 — "Dövlət qulluğunda fərqlənməyə görə" medalı
Kitabları
- "Yarsan mənim ürəyimi…". Bakı: OL, 2007;
- "Kələfin ucu". Bakı, 2010;
- "Eşqə doğru". Bakı, 2014.
Filmoqrafiya
- Gəlin, birgə öyrənək. Rənglər (film, 2014) — mahnı mətninin müəllifi
- Xəlvətdə qalmış müdrik (film, 2014) — redaktor
- Qara bağ (film, 2015) — redaktor
- Gəlin, birgə öyrənək. Rəqəmlər (film, 2015) — mahnı mətninin müəllifi
- Növbə (Mozalan № 196, 2016) — ssenari müəllifi
- Taksi (Mozalan № 196, 2016) — ssenari müəllifi
- Gediş haqqı (Mozalan № 197, 2016) — ssenari müəllifi
- Evin yıxılsın, MMC (Mozalan № 197, 2016) — ssenari müəllifi
- Avtoportret (film, 2017) — kadrarxası mətnin müəllifi
- Canavar ovu (film, 2017) — redaktor
- Dönüş (film, 2018) — ssenari müəllifi
- Soraq (film, 2019) — ssenari müəllifi
- Açar (film, 2022) — quruluşçu rejissor, ssenari müəllifi
İstinadlar
- Gülnar Səma. (az.). . 20.09.2017. 2024-04-04 tarixində . İstifadə tarixi: 2024-03-31.
- Fariz Hüseynov. (az.). . 22.10.2014. 2024-04-04 tarixində . İstifadə tarixi: 2024-03-31.
- ↑ Nəriman Əbdülrəhmanlı. Azərbaycan kino sənəti tarixi. 4 cilddə. IV cild. Bakı: Qanun, 2020 — səh. 700.
- ↑ Sevinc Mürvətqızı. (az.). . 15.03.2014. 2024-04-04 tarixində . İstifadə tarixi: 2024-03-31.
- Azərbaycan Respublikası Gənclər və İdman Nazirliyi. (az.). . 23.10.2013. 2024-04-04 tarixində . İstifadə tarixi: 2024-03-31.
- XC. (az.). . 13.02.2014. 2024-04-04 tarixində . İstifadə tarixi: 2024-03-31.
- Lalə. (az.). . 06.09.2019. 2024-04-04 tarixində . İstifadə tarixi: 2024-03-31.
- Azərbaycan Respublikası Mədəniyyət Nazirliyi. (az.). . 19.10.2022. 2024-04-04 tarixində . İstifadə tarixi: 2024-03-31.
- "Rakurs" rüblük informasiya bülleteni. 2022, № 1 (yanvar-mart). Bakı: AKİ, 2022 — səh. 35.
- Ədəbiyyat və incəsənət. (az.). . 15.03.2022. 2024-04-04 tarixində . İstifadə tarixi: 2024-03-31.
- "Rakurs" rüblük informasiya bülleteni. 2022, № 4 (oktyabr-dekabr). Bakı: AKİ, 2022 — səh. 58.
- Azərbaycan Respublikası Mədəniyyət Nazirliyi. (az.). . 11.10.2022. 2024-04-04 tarixində . İstifadə tarixi: 2024-03-31.
- Mədəniyyət TV. (az.). . 14.10.2022. 2024-04-04 tarixində . İstifadə tarixi: 2024-04-04.
- "Rakurs" rüblük informasiya bülleteni. 2022, № 3 (iyul-sentyabr). Bakı: AKİ, 2022 — səh. 50.
- "İki sahil" qəzeti. (az.). . 15.11.2022. 2024-04-04 tarixində . İstifadə tarixi: 2024-03-31.
- "Rakurs" rüblük informasiya bülleteni. 2022, № 2 (aprel-iyun). Bakı: AKİ, 2022 — səh. 56.
- AzərTAc. (az.). . 31.03.2014. 2015-04-19 tarixində . İstifadə tarixi: 2024-03-31.
- Azərbaycan Milli Kitabxanası. (az.). . 03.02.2018. 2024-04-04 tarixində . İstifadə tarixi: 2024-03-31.
- Yeni Azərbaycan Partiyası. (az.). . 18.06.2014. 2024-04-04 tarixində . İstifadə tarixi: 2024-03-31.
- Avanqard.net. (az.). . 19.03.2019. 2024-04-04 tarixində . İstifadə tarixi: 2024-03-31.
- Kulis.az. (az.). . 19.03.2019. 2024-04-04 tarixində . İstifadə tarixi: 2024-03-31.
- President.Az. (az.). . 22.06.2023. 2023-06-23 tarixində . İstifadə tarixi: 2024-03-31.
- ↑ Sevinc Mürvətqızı. (az.). . 22.11.2014. 2024-04-04 tarixində . İstifadə tarixi: 2024-03-31.
- Kulis.az. (az.). . 14.11.2014. 2024-04-04 tarixində . İstifadə tarixi: 2024-03-31.
- Axar.az. (az.). . 15.11.2014. 2024-04-04 tarixində . İstifadə tarixi: 2024-03-31.
- Axar.az. (az.). . 11.10.2014. 2024-04-04 tarixində . İstifadə tarixi: 2024-03-31.
- AzərTAc. (az.). . 03.06.2020. İstifadə tarixi: 2024-04-04.