Rəsmi saytlarda doğum ili 1912, bəzi mənbələrdə 1909-cu il göstərən İoneskonun atası rumın, anası fransız olmuşdur. Uşaqlığını Fransada keçirən İonesko ata və anasının boşanmasının ardından 1925-ci ildə Rumıniyaya qayıtmışdır. 1928–1933-cü illərdə Buxarest Universitetini bitirdikdən sonra burada Emil Kioran və Mirseya Eliade ilə tanış olmuşdur. 1936-cı ildə Radika Burileanu evlənərək bir qız atası olmuşdur. 1938-ci ildə ailəsi ilə birlikdə Fransaya qayıtmışdır. İkinci dünya müharibəsində Marselə köçən ailə 1944-cü ildə Fransanın işğaldan azad olmasının ardından Parisə qayıtmışdır.

1967-ci idə İsrailə getmiş və köklərində yəhudi olduğunu açıqlamışdır. 1970-ci ildə Fransa Akademiyasının üzvü seçilən İonesko bir çox mükafata layiq görülmüşdür. O, Nyu York, Leuven, Uarvik, Tel-Əviv Universitetləri tərəfindən fəxri ada layiq görülmüşdür.

84 yaşında vəfat edən İonesko Parisin Montparnasse məzarlığında dəfn olunmuşdur

Daha çox fransız dilində yazmışdır, lakin rumınların ən çox qürur duyduqları şəxsdir.

• Turz Film Festivalı mükafatı — 1959
• İtaliya mükafatı — 1963
• Teatr Cəmiyyəti mükafatı — 1966
• Milli Teatr mükafatı — 1969
• Monako mükafatı — 1969
• Avropa üçün Avstriya Ədəbiyyat mükafatı — 1970
• Qüds mükafatı — 1973