Edqar Longe (18 avqust 1879, İngiltərə – 12 dekabr 1950, Alforvill) — Fransanın sosialist aktivisti, həkim, Karl Marksın nəvəsi.
| Edqar Longe | |
|---|---|
| fr. Edgar Longuet | |
| Doğum tarixi | 18 avqust 1879 |
| Doğum yeri | |
| Vəfat tarixi | 12 dekabr 1950(71 yaşında) |
| Vəfat yeri | |
| Atası | Şarl Longe |
| Anası | Cenni Longe |
| Fəaliyyəti | həkim, siyasətçi |
| Partiyası | |
Həyatı
Edqar Longe 18 avqust 1879-cu ildə İngiltərənin Remsgeyt qəsəbəsində Şarl Longenin və Karl Marksın qızı Cenni Longenin ailəsində dünyaya gəlib. Uşaq ikən çox yemək yediyinə görə onu Canavar deyə çağırırdılar. Edqar 18 aylıq olanda ailəsi Fransaya köçmüşdü.
O, Fransa işçi hərəkatında olduqca fəal idi və 1905-ci ildə Jül Gedin dəstəkçisi kimi Sosialist Partiyasına qoşulmuşdu. 1937-ci ildə sosialistlərdən ayrılan Edqar 1938-ci ildə fəal üzvü olduğu Fransa Kommunist Partiyasına daxil oldu. Siyasi cəhətdən o, sadiq Stalinçi kimi Sovet İttifaqına heyran idi.
Longe babası Karl Marksla Karlın qızları Cenni (Longenin anası), Eleonora və Lauranın və ailə dostu Fridrix Engelsin birlikdə çəkdirdiyi dagerotipi 1948-ci ildə Moskvadakı Sov.İKP MK-nın Marksizm-Leninizm İnstitutuna bağışlamışdı. Həmin il o, Fridrix Engelsin və babası Karl Marksın yazdığı "Kommunist Manifesti"nin Sovet İttifaqında və Polşa Xalq Respublikasında 100 illik yubileyinin qeyd edilməsində iştirak etmişdi.
Longe Parisətrafı ərazidə – Alforvildə yaşayırdı. O, 1950-ci ildə vəfat etmiş və ölümündən bir qədər əvvələ qədər həkim kimi çalışmışdı.
Edqar Longe rəssam Frederik Longenin və siyasətçi Pol Longenin atasıdır. Edqarın qardaşı Jan da fəal sosialist və Fransa Deputatlar Palatasının üzvü olub.
Əsərləri
- Some pages of the family life of Karl Marx. In: Mohr and General. Memories of Marx and Engels. Dietz Verlag, Berlin 1964, pp. 359–374
İstinadlar
- ↑ L'Humanité, l'humanité, لومانيتي (fr.). RF: 1950. ISSN ;
- ↑ Лонге Эдгар // Большая советская энциклопедия (rus.): [в 30 т.]. / под ред. А. М. Прохорова 3-е изд. Москва: Советская энциклопедия, 1969.
- ↑ Angelika Limmroth. Jenny Marx: The Biography. Berlin. 2014. səh. 246, 265.
- ↑ Padover, Saul K. . McGraw-Hill Book Co, New York. 1978. -480. ISBN 0070480729.
- Wheen, Francis. . Fourth Estate. 1999. səh. . ISBN 9781841151144.
- Wheen, Francis. . Fourth Estate. 1999. səh. . ISBN 9781841151144.
- . Great Soviet Encyclopedia. 27 June 2018 tarixində . İstifadə tarixi: 8 November 2019.
- ↑ . , 30 May 1948, p 40. 18 January 2022 tarixində . İstifadə tarixi: 8 November 2019.
- . . 25 October 2019 tarixində . İstifadə tarixi: 8 November 2019.