Əvvəllər mülki təyyarələr ekipajdan daim diqqət tələb edən elektromexaniki göstəricilərdən istifadə edirdilər. Bu sistemlərdə müasir rəqəmsal texnologiyaların təmin etdiyi çox yönlülük yox idi. Bundan başqa, çoxsaylı siferblatlar və ölçü cihazları daxildə əhəmiyyətli yer tələb edirdi.

Qabaqcıl texnologiyanın tətbiqi ilə müasir bir təyyarə mühərrik ekranı və ekipaj xəbərdarlıq sistemi (EICAS) olaraq bilinən kompüter və ekran sistemlərindən istifadə edərək mühərriklərin və təyyarə sistemlərinin parametrlərinin davamlı izlənməsini təmin edə bilər.

EICAS adətən müxtəlif mühərrik parametrlərinin ölçülməsi, o cümlədən, dəqiqədə çevrilmələr, temperaturun qiymətləri, yanacaq axını və miqdarı, yağ təzyiqi və s. EICAS tərəfindən nəzarət edilən digər tipik təyyarə sistemlərinə hidravlik, pnevmatik, elektrik, ətraf mühit və yerüstü nəzarət sistemini əlavə etmək olar. EICAS yüksək bağlantıya malikdir və məlumatların alınması/yönləndirilməsini təmin edir.

EICAS uçuş heyətinin üzərinə düşən işin azalmasına kömək edən amillər aşağıdakılardır:

• Mühərrik parametrlərinin indikasiya edən cihazlar üçün panel sahəsində tələb olunan yerin azaldılması. .
• Mühərriklərin parametrlərinə effektiv nəzarət sayəsində iş yüklənməsinin azaldılması.
• Qidanın verilməsindən uçuşdan sonrakı texniki xidmətə qədər olan müddət ərzində sistem statusu mesajlarının göstərilməsi.
• Rənglə kodlanmış xəbərdarlıq mesajlarının (səhv tipini və onun haqqında məlumatın) göstərilməsi.

Davamlı rejimdə yalnız mühərrik dartma parametrləri göstərilir. EICAS qalan parametrləri izləyir və avtomatik olaraq müvafiq rəng kodu çərçivəsində icazə verilən parametrlərdən hər hansı birini göstərir.

• Şüşə kokpit
• Electronic flight instrument system