Saray memarı Sarkis Balyan tərəfindən və Ampir üslubunda tikilib. 27 metr hündürlüyündə və 4 mərtəbəli olan qüllənin 94 pilləsi var. Pilləkən dəhlizlərinin fonu rəngli daşlarla, həndəsi şəkillər verilərək düzəldilmişdir. 12 x 12 m ölçülərdə mərmər platformaya, qüllə sütunları ilə 8,50 x 8,50 mt abadan quruluşdadı. Qüllənin hər kənarında altı pilləli pilləkən və tinlərdə iki mərtəbəli bir fəvvarə yerləşir.

Birinci mərtəbənin 3 hissəsində pəncərə, digərində isə qapı var və hər səmtdə tağ qövs daxilində barometr var. Qapı və pəncərələrin iki yanında cüt sütunlar bu mərtəbəni bəzəyir.

7,40 x 7,40 m ölçülü birinci mərtəbənin səmtləri çox bəzəklidir. Saat qülləsinin dəniz və quru tərəfindəki səmtlərində Sultan II Əbdülhəmidin Tuğrasının üz tərəfi yerləşir.

İkinci mərtəbə (6,00 x 5,00 m) birinci mərtəbəyə nisbətən daha sadədir. Üçüncü mərtəbəyə şəbəkəli eyvanla keçid təmin olunmuşdur. Hər bir səmtində saat yerləşir. Saatlar Fransız istehsalıdır. Dəniz tərəfindəki saat ayrı qurularkən, digər üç saat isə eynidir. Saatçı İohann Mayer tərəfindən taxılan markalı saat 1979-cu ildə qismən elektron sistemə çevrilmişdir və işlək vəziyyətdədir.